لأول مرة.. أمير محروس يكشف سبب عدم تعاونه مع عمرو دياب لمدة 18 عاما
كشف الموزع أمير محروس، سبب توقف تعاونه مع الهضبة عمرو دياب، لمدة 18 عاما، مؤكدًا أنه عاش نجاحا كبيرا مع الهضبة في أهم ألبوماته.
وقال أمير محروس، في حوراه مع برنامج عرب وود: أنا اشتغلت مع عمرو دياب سنة 1987 في أغنية ميال، وربنا مش مديني تاريخ عمرو دياب كله إني اشتغله، بس ربنا إداني محطات حلوة في تاريخه، زي ألبوم قمرين، وألبوم تملي معاك، خلاص أنا خلصت، يعني لو قُلت ألبوم تملي معاك خلاص أنا مش عايز قبل كده ولا بعد كده اشتغل.
وتابع: قعدنا 18 سنة منشتغلش سوا أنا وعمرو دياب، وكان فيه ناس مش حلوة فرقت ما بينا شوية من ساعة أغنية حبيبي ولا على بالي، وأول ما سمعت آلو قُلت مساء الفل يا هضبة، وعمرو دياب بجد بيعشق النجاح.
كما كشف أمير محروس، عن مشروع جديد يعمل على تحضيراته مع شقيقه المنتج نصر محروس، قائلًا: فيه مشروع شغاليين عليه وإن شاء الله وربنا يرتبه ونقدر ننجزه، إحنا بنعمل اكاديمية لوحدنا، والفكرة دي إحنا شغاليين عليها لأن مفيش أحلى من إنك تجيب حد عايز وتعمله وهداف وشاطر، بنرتب حاجات فيها لأن هيكون فيها شهادات من برا.
آخر أعمال عمرو دياب
أغنية من 6 لـ 9 هي آخر أعمال الفنان عمرو دياب، والتي طرحها مؤخرًا عبر جميع المنصات الإلكترونية، والأغنية ضمن ألبومه الغنائي الجديد من من كلمات أيمن بهجت قمر، ألحان محمد يحيى، توزيع وسام عبد المنعم، ميكساج وديجتال ماستر أمير محروس.
