بحس أمي بتتحرج مني وهخوض تجربة التمثيل قريب.. أبرز تصريحات عمر كمال مع رامي رضوان
حل الفنان عمر كمال ضيفًا على الإعلامي رامي رضوان، مقدم برنامج مساء dmc، وخلال لقائه كشف العديد من الأسرار حول حياته الشخصية، وعلاقته بوالدته.
أبرز تصريحات عمر كمال
ونستعرض لكم في هذا التقرير أبرز تصريحات عمر كمال مع رامي رضوان.
_مدين لحسن شاكوش وحمو بيكا بنجاحي وانفصالنا أثّر على المهرجانات في مصر.
_تفككنا مكنش بمزاجنا كان بسبب مشاكل في النقابة، واتمنع عننا إعلانات أفلام وده قلل الوحدة شوية.
_هخوض تجربة التمثيل قريب جدًا، ولكن داخل بشخصيتي كـ عمر كمال.
_أمي دائما كانت تقولي أنت مش هتفلح.. لا شكل ولا منظر.. بحسها بتتحرج مني لأني أكتر ولادها مشفتهاش.
_كنت بزور قبر عبد الحليم لأني كنت مُتخيل هبقى زيه.. وأمي كانت بتقول عليا مجنون.
_مهرجان بنت الجيران وش السعد عليا.. وأغنية سهرانين اتظلمت من يوتيوب.
أعمال عمر كمال
وقدم عمر كمال العديد من الأغاني التي حققت نجاحًا كبيرًا في العالم العربي، من بينها أغنية خلينا سهرانين، من كلمات وألحان عمرو قطب، ومن توزيع وسام عبد المنعم، والتي نالت إعجاب الجمهور فور طرحها وتخطت حاجز المليون مشاهدة على يوتيوب، بالإضافة إلى أغنية حلوين أوي أوي، بالتعاون مع عبد الباسط حمودة وهي من تأليف وألحان عمرو قطب، وتخطت الأغنية حاجز الـ 3 ملايين مشاهدة.
كلمات أغنية خلينا سهرانين
وجاء كلمات أغنية خلينا سهرانين كما يلي: بقى ده اسمه كلام، بقى حد يسيب القعدة الحلوة دي ويقول سلام، بقى ده اسمه كلام، ده إحنا ما صدقنا نشوف بعض تقوم نمشي قوام، ده السهرة يا دوب لسه بتبدأ والجو يا روحي عليه، يخلي اللي نمش بقاله أسبوع يسهر ما ينام، تمشي تروح فين خلينا سهرانين، ده الجو جميل والناس كلها صاحيين.
