الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

محامي شيرين عبد الوهاب: لو قدمت بلاغًا ضد أخيها هتنازل عنه.. أنا مع أهلها مش ضدهم

شيرين وياسر قنطوش
فن
شيرين وياسر قنطوش
الإثنين 17/أكتوبر/2022 - 01:19 ص

رد المستشار ياسر قنطوش، محامي الفنانة شيرين عبد الوهاب، على حديث شقيقها بشأن رفع الأول دعوى قضائية ضده، مؤكدًا إنه سيتنازل عنها وإنه يدعم شيرين وعائلتها.

 

وقال ياسر قنطوش، في تصريحات تلفزيونية: أنا مع أهلها وأي حد مع شيرين أنا معاه، مع احترامي لـ سارة الطباخ وحسام حبيب، وأهلها لو هما معاها أنا معاهم مش ضدهم، اللي أنا عايز أوصله للأستاذ محمد أخو شيرين، اللي بيقول عليا إني مع مجموعة عصابة، وأنا هسامحه في الكلمة دي علشان خاطر شيرين بس، وأنا محامي شيرين من 3 شهور بس، وكل اللي عملته إني جبتلها حقها من حسام حبيب، ولو أنا وجهت اتهام لأخيها بسوء فهم أنا هبعت حد يتنازل عنه، لأني مش ضد شيرين ولا ضد أهلها.

 

وتابع ياسر قنطوش، حديثه إن الفنانة شيرين عبد الوهاب، تتواجد في أحد المستشفيات بسبب وجود تقرير طبي يؤكد ضرورة تلقيها العلاج: وجدت في النيابة الصياغة اللي اتقالت ليا لما الناس جابتلي بتقرير أنها مريضة ومصلحتها إنها تفضل في المستشفي لأن أنا يهمني مصلحة شيرين عبد الوهاب.. المستشفي جابت تقرير طبي قدم مستندات بتقول أنها مريضة ومحتاجه علاج، ولما عرفت كده خدت بعضي ومشيت.. وانسحبت فورًا مكملتش.

شقيق شيرين عبد الوهاب

 

ومن جانبه قال شقيق شيرين عبد الوهاب، خلال تصريحاته التلفزيونية: إنها تتعرض لـ عصابة على حد تعبيره، مضيفًا إن محامي شقيقته رفع عليه دعوى قضائية مستخدمًا التوكيل الرسمي الذي منحته شيرين لـ ياسر قنطوش، قائلًا: أختي بتتعرض لـ عصابة حاطين برنامج تجسس على الموبايل، وواحدة صاحبتها جابتلها شيخة، والشيخة دي بتاخد آلافات، وأنا مش هسيب أختي غير لما أرجعها لـ جمهورها وأهلها، لازم تقفوا جنبنا، الولد ده عنده وسايط وبيهددنا، وياسر قنطوش رفع عليا قضية امبارح بالتوكيل اللي أختي عملته له، وأنا مدخل أختي المستشفى بقالي 3 أيام، فين نقابة المحاميين يقولوا إنت مين قالك ترفع القضية دي؟ دي عصابة.

تابع مواقعنا