عمر كمال: كنت بسجل شرايط للشيخ محمد حسان وأبيعها بـ 3 جنيه.. ودلوقتي عندي عربية بـ8 ملايين جنيه
تحدث مطرب المهرجانات عمر كمال عن بدايته قبل اتجاهه للغناء، وبسبب سفره من المنصورة للسويس في فترة الشباب.
وقال عمر كمال خلال تصريحات تليفزيونية: والدي كان متدين وإمام جامع وحافظ كتاب ربنا، ومكنش موافق على أي شغلانة كنت بشتغلها، فكنت بروح من المنصورة للسويس أسجل خطب للشيخ حسان وأبيعها في مصر الشريط بـ 3 جنيهات.
وعن تسديده ضرائب لنقابة الموسيقيين، أوضح عمر كمال: كل أوردر بشتغله بدفع للنقابة حقها، واحنا نجحنا نجاح مش تقليدي ولينا أغاني محققه 4 مليارات مشاهدة، وأنا مشاكلي كتير عشان نجاحي كبير، وأخدت عهد على نفسي أني مش هظهر تاني مع راقصات، والوعد ده قدام ربنا.
وعن عدد العربيات الذي يمتلكها رد عمر كمال، قائلًا: عندي 4 عربيات بفلوس كتيرة منهم واحدة بـ 8 ملايين جنيه.
آخر أغاني عمر كمال
تعد أغنية خلينا سهرانين آخر أغاني عمر كمال الذي طرحها منذ شهر على موقع الفيديوهات يوتيوب، والأغنية من كلمات وألحان: عمر قطب وتوزيع وسام عبد المنعم، وجاءت كلمات الأغنية كـ الآتي: بقي دا اسمه كلام بقي حد يسيب الناس الحلوه دي ويقول سلام، بقي دا اسمه كلام دا احنا ما صدقنا نشوف بعض تقوم تمشي قوام، دا السهره يا دوب لسه بتبدأ والجو يا روحي عليه يخلي اللي مانمش بقالوا أسبوع يسهر ما ينام.
