السيسي في ختام المؤتمر الاقتصادي: المرة الجاية عايزين شباب معانا ويزعقولنا هنا مش في الشارع.. وإحنا ندافع
وجه الرئيس عبد الفتاح السيسي، بعقد مؤتمر سنوي للاقتصاد، والاجتماع من خلاله للحديث والرد على ما يجول في الأذهان، منوهًا بوجوب حضور الشباب إلى هذا المؤتمر لعرض آرائهم والاستماع إلى الأطراف الأخرى دون تأفف.
السيسي: المرة الجاية عايز يبقا موجود شباب هنا يتهمونا ويزعقولنا وإحنا ندافع
وقال الرئيس عبد الفتاح السيسي، خلال كلمته بالجلسة الختامية لـ المؤتمر الاقتصادي: خلونا دايمًا نتقابل كدا ونتكلم وكل واحد يقول اللي عنده، مردفًا: المرة الجاية عايز يبقا موجود شباب هنا، يتهمونا ويزعقولنا ويقولوا وإحنا ندافع.. حقهم علينا أحسن ما يزعقوا في الشارع؛ يزعقولنا إحنا.
وقال الرئيس السيسي، خلال تأكيده على أهمية الحوار المستمر بين كافة الأطراف: إحنا محتاجين دا، محتاجين يكون في قضايا بعينها محطوطة للنقاش، وإذا كنا عاوزين ننتهي بالحوار الوطني إلى أنه بيعيد تشكيل رأينا العام في مصر.
وأضاف السيسي: اذا كنتو بتتكلموا عن حرية حقيقية وانفتاح حقيقي، لما تعجبني مش هزعل منك؛ لأنك بتقول وجهة نظرك، وأنا أدافع عن نفسي، طيب مأقنعتكش؟ طب هعمل إي؟ طبيعي يعني.
