الرئيس السيسي: يا رب أعرف أجبر بخاطر الناس الغلابة.. والغلبان يستحق نطبطب عليه
قال الرئيس عبد الفتاح السيسي، إن الأسرة المحبطة لا تفرز حب تجاه وطنها، مضيفًا: القضاء على العشوائيات معناه أن الدولة طبطبت على أهلنا الغلابة اللي كان لازم الدولة تطبطب عليهم.
وأضاف الرئيس عبد الفتاح السيسي، في مداخلة هاتفية مع الإعلامي يوسف الحسيني عبر برنامج التاسعة على القناة الأولى: إزاي أشوف أهلي مرميين في الشارع.. اللي يعرف أنا بعمل إيه وبيساعدني هو ربنا.. وعشان كده دايمًا شاكر وبطلب منه الدعم والمدد عشان خاطر الغلابة.
وأكمل الرئيس السيسي: يا رب أعرف أجبر بخاطر الناس الغلابة لأن الغلبان يستحق أن نطبطب عليه.. والسراير اللي موجودة عندنا في المستشفيات 50% من المطلوب، ولم نخفي أي معلومة أو موقفنا ونعرض قدرتنا، وعملنا مبادرات زي فيروس سي وإنهاء قوائم الانتظار.
وتابع الرئيس: نعرض قدراتنا ونرحب بالأفكار الجديدة، إحنا كمصريين قدها وقدود.. لأن احنا لما نكون أمناء ومخلصين لبلدنا وندرس كل الملفات وتأثيرها، التعليم محتاج 250 مليار جنيه، ومن يتكلم عن تجارب دول شرق آسيا سنغافورة وكوريا الجنوبية، ولم يتكلموا عن السياق التي كانت تسير فيه تلك الدول لمدة 20 سنة.
