صبا مبارك: حققنا المعادلة المستحيلة في بنات عبد الرحمن.. وأتابع إيرادات أفلامي بنفسي
أعربت الفنانة الأردنية صبا مبارك عن سعادتها بطرح فيلمها بنات عبد الرحمن في دور العرض المصرية، وذلك لكونها بطلته ومنتجته في آن واحد.
وقال صبا مبارك لـ القاهرة 24 من العرض الخاص لفيلم بنات عبد الرحمن: فخورة جدًا إن الفيلم بيتعرض في مصر عرض تجاري، وإني أول سينمائية أردنية فيلمها بيتعرض لأول مرة في السينمات المصرية، حاسه إنه إنجاز كبير أوي لبلدي الأردن وسعيدة إنه بيتعرض في بلدي التاني مصر، ومتحمسة إني اشوف ردود الجمهور المصري.
وأضافت صبا: ربنا كريم أوي والنتيجة اللي شوفتها في التجربة دي كانت أكبر مما كنت أتخيل، ومبسوطة إني عملت حاجة أسعدت الناس، الحمد لله الفيلم في الأردن اتعرض من 10 أسابيع ومازال بيتعرض وده حاجة غير مسبوقة في الأردن، بشكر ربنا ومقدرش أغفل عن شكر جميه صناع الفيلم وفخورة إني اشتغلت معاهم وبهديهم نجاح الفيلم.
وتابعت صبا مبارك: صعوبة الفيلم تكمن في إن ده أول إنتاج سينمائي لي، وسبق وأنتجت تلفزيون من قبل، فكان الموضوع مُرعب بالنسبة لي؛ لأني مش بمثل كتير في السينما لأني بعتبرها أعمال بتحط في تاريخ الفنان، فلومكنش عمل ينفع يتحط في تاريخي مش هعمله، وكمان كانت مسئولية كبيرة أوي إني أفصل بين دوري كمنتجة وكممثلة، وطول فترة التحضير مركزة في كل تفاصيل الفيلم وآية وحوش منتجة الفيلم وشقيقتي وزيد أبو حمدان مخرج ومؤلف الفيلم خلوني أحافظ تركيزي على دوري كممثلة، وهو من أصعب الأدوار اللي عملتها في حياتي.
وأردفت صبا مبارك: أتابع إيرادات الأفلام وبهتم، ولكن ده طبعًا جزء من المعادلة مش كلها، المهم إن الفيلم ينجح تجاريًا وفنيًا، كانت المعادلة ميبقاش تجاريًا بس والتحدي أعرف اعمل فيلم تجاري بنفس الوقت فني، الحمد لله كانت شبه مستحيلة التحقيق، ولكن أعتقد إننا حققناها.
