إيمي سلطان: الرجالة في المجتمعات الأبوية شايفين المرأة موجودة لإثارة الشهوة
تحدثت الراقصة الاستعراضية إيمي سلطان عن الرقص الشرقي ودخولها للمجال، حيث أوضحت أن أساس الرقص المصري من أيام الحضارة المصرية القديمة.
وقالت إيمي سلطان في تصريحات إعلامية: أساس الرقص المصري من أيام الحضارة الفرعونية القديمة، ومش بحب مصطلح الرقص الشرقي، واسمه الرقص المصري.
وأضافت إيمي سلطان: بحب سهير زكي وكنت بتفرج على فيديوهاتها، وأهلي كانوا خايفين عليا، لما نقلت من البالية للرقص الشرقي، والرجالة اللي عايشين في المجتمعات الأبوية شايفين إن المرأة موجودة لإثارة الشهوة.
وقالت إيمي سلطان في حوار سابق لها في القاهرة 24: أكيد مستقبل الرقص الشرقي مش هيبقى إن الستات ترقص في الكباريهات، وأماكن السهر، والمفروض يتقدم بشكل هادف، ومش معترضة على تقديمه في الأماكن دي، لأن بداية كانت فيهم، عشان ده الموجود، ولكن بالطريقة دي مش هيبقى معترف بيه كـ فن.
وفي سياق منفصل، أطلقت الفنانة إيمي سلطان مبادرة تصنيف الرقص الشرقي المصري، كتراث شعبي عالمي، في منظمة اليونسكو العالمية، وسعت لإدراج الرقص الشرقي المصري ضمن تصنيفات التراث الشعبي غير المادي، في منظمة الأمم المتحدة للتربية والعلم والثقافة اليونسكو، ليتم الاعتراف به كتراث مصري أصيل على مستوى العالم.
من هي إيمي سلطان؟
وإيمي سلطان، هي فنانة استعراضية متخصصة في الرقص الشرقي، درست هندسة الديكور في بريطانيا، وتابعت شغفها بالرقص بداية من دراسة الباليه في مصر، قبل أن تقرر احتراف الرقص الشرقي.
