سلوى خطاب: ياسمين عز لسه صغيرة.. وقلتلها لازم تدافعي عن الست المصرية لأنها غلبانة
قالت الفنانة سلوى خطاب، إنها لم تقصد مهاجمة ياسمين عز، بعدما حلت ضيفة في برنامجها مؤخرًا، وأثارت ضجة بعد دفاعها عن المرأة وسخريتها من ياسمين عز.
وقالت سلوى خطاب لـ القاهرة 24: مقصدش أهاجم ياسمين عز لما طلعت في حلقة معاها، قلت رأيي وحكيت حكاية عادية إن صاحبتي كانت نفس آرائها واتجرجرت من شعرها، مش قصدي أقولها حاجة مش لطيفة، لأن أنا مفيش حاجة بتستفزني، ولكن الواحد لما يحب يجيب وجهة نظر لازم يجيب وجهة النظر التانية الراجل والست شركاء وما ينفعش نعمم.
وأضافت: وهي من حقها تقول رأيها، لكن محتاجة تدرس حالات جواز وهي لسه صغيرة وأنا قلت لها لما تكبري هتفهمي، وقلت لها لازم تدافعي عن الستات لأن الست المصرية غلبانة ومش واخدة حقها.
وكانت سلوي خطاب ردت على تصريحات ياسمين عز، حو انحيازها للرجل، وقالت: ليا واحدة صاحبتي لها آراء زي آرائك كده، وقلت لها أنا مستنية أشوفك متجوزة عشان أشوفك متجرجرة من شعرك وفعلا حصل اتجوزت وأتجرجرت في الريسيبشن من شعرها.
أحدث أعمال سلوى خطاب
من ناحية أخرى، صرحت سلوى خطاب بأنها تجهز للجزء الثاني من مسلسل رمضان كريم والمقرر عرضه في المارثون الرمضاني 2022، مشيرة إلى أنها متحمسة للعمل خاصة أنه يجمع نفس الأبطال وانضم إليهم فنانين آخرين.
وأضافت سلوى خطاب أن العمل مكتوب بشكل جيد، وهو ما جذبها لتقديمه خاصة أنها كانت لا تريد تقديم دور بلدي مرة أخرى، مشيرة إلى أتها تقدم دور المعلمة سميرة والذي حققت من خلاله نجاحًا مع عرض الجزء الأول في رمضان 2017.
