عمل إنساني.. نيللي كريم تكشف تفاصيل فيلم عالزيرو بطولة محمد رمضان
كشفت الفنانة نيللي كريم، تفاصيل فيلم عالزيرو، الذي تتعاون خلاله لأول مرة مع الفنان محمد رمضان، مشيرة إلى إنه عمل إنساني.
وقالت نيللي كريم، خلال حوارها في برنامج صباح العربية: فيلم عالزيرو مع محمد رمضان، فيلم إنساني جدًا وبيتكلم عن أب ابنه بيمرض بمرض وحش وظروفه المادية وحشة جدًا وبيعمل كل حاجة علشان ينقذ ابنه.
كما تحدثت نيللي كريم، عن إذا ما كانت تطمح في الوصول للعالمية، قائلة: الواحد بيستنى العمل المناسب واللي يضيف له مش مجرد إنه يعمل عمل برا، لازم يبقى موضوع حلو وموضوع عالمي، أنا سافرت مهرجانات كتير برا وممكن تطلع من بلدك للعالمية ده شيئ وارد بس المهم إنه يكون موضوع عالمي مش محلي فقط.
وأضافت نيللي كريم: لما عملنا فيلم 678 للمخرج محمد دياب، كان بيتكلم عن التحرش وده موضوع عالمي، واتعرض في بلاد كتير جدًا، وكمان فيلم كلاش، وصل للعالمية.
وكشفت الفنانة نيللي كريم، إنها ستقدم شخصية صعيدية لأول مرة خلال مشوارها الفني، وذلك في مسلسلها في الموسم الرمضاني المقبل 2023، قائلة: رمضان المقبل هعمل دور صعيدي لأول مرة واللغة الصعيدية حلوة جدًا وصعبة في نفس الوقت.
فيلم عالزيرو
فيلم عالزيرو من إنتاج شركة العدل جروب، وبطولة الفنان محمد رمضان، جومانا مراد، الطفل منذر مهران، والعمل من تأليف دكتور مدحت العدل، إخراج محمد العدل، وتدور أحداثه في إطار اجتماعي كوميدي.
