رسائل غامضة لـ سمية الخشاب عبر تويتر: أي علاقة تمنها كرامة الإنسان تغور في 60 داهية
وجهت الفنانة سمية الخشاب عدة رسائل عبر حسابها الشخصي بموقع التغريدات القصيرة تويتر، وذلك بعد عودة شيرين عبد الوهاب لـ حسام حبيب.
كتبت سمية الخشاب أكثر من تغريدة على حسابها الرسمي بـ تويتر قائلة: المهم يا بنات ويا ستات أرجوكم حاولوا على قد ما تقدروا تبقوا على قدر من المسئولية، واعرفوا قيمة نفسكم واعرفوا أنكم مش محتاجين أي حد في الدنيا، ده بالعكس هما اللي محتاجينها أكتر.
وأضافت سمية الخشاب: أي علاقة تمنها كرامة الإنسان تغور في ستين داهية، العالم في 6 مليار والله، 8 مليار بس في 2 مليار أشباه بني أدمين مش محسوبين علينا، الواحد لما بيركز في شغله وحياته وشكله بيوصل لمرحلة ملكية مبيبقاش فعلا محتاج لحد، إلا لو هو بلا هوية ولازم يكون تابع لحد عشان يعرف يعيش.
واختتمت سمية حديثها: بعد كده يا حبايبي منتعاطفش مع حد إلا لما نتأكد أنه هو نفسه متعاطف مع نفسه عشان منحرقش كتير على الفاضي.
آخر أعمال سمية الخشاب
انتهت الفنانة سمية الخشاب من تصوير فيلم التاروت بطولة رانيا يوسف، عبد العزيز مخيون، علاء مرسي، وعدد آخر من الفنانين، والعمل من تأليف معتز المفتي وإخراج إبرام نشأت.
