فنان تشكيلي يستغيث بعد طمس رسوماته.. ومحافظ أسوان يعده بهدية شخصية ومحاسبة المخطئ
استغاث يوسف ركابي، الفنان التشكيلي بمحافظة أسوان بعد طمس رسوماته من على مولدات الكهرباء التي رسمها وكانت ترمز لانتصارات أكتوبر ورسم الشخصيات البارزة من أبناء محافظة أسوان مثل أحمد إدريس صاحب فكرة شفرة حرب أكتوبر، ومسح المسؤولون الرسومات وغطوا مولدات الكهرباء بألوان بيضاء.
ونشر ركابي عبر موقع التواصل الاجتماعي فيس بوك.. "فاكرين كشك الكهرباء اللي رسمت عليه رسم عن حرب أكتوبر في شارع أبطال التحرير بميدان المحطة في أسوان.
امس كنت معدي جنبه اتصدمت إنه مدهون أبيض وكل رسمي اتطمس واتشال!!! وهو هو نفس الكشك متغيرش
- أنا عايز أعرف إزاي ؟؟؟ يعني أنا أنزل أتطوع أرسم وأتعب ويطلع عين أهلي علشان أجمل أسوان وأفرح الناس ودي تبقي النتيجة؟ شلتوا الفن وحطيتوا مكانه لون أبيض ؟ ده شكركم وتكريمكم ليا؟ أنا أقسم بالله مقهور على رسمي جدا يا جماعة، هي دي كلمة شكرا اللي أسوان بتقولهالي ؟ هو ده دعم وتكريم أسوان ليا؟ طمس رسوماتي؟ أسوان مبتقدرش الفن ولا الفنانين، أنا من امبارح بليل مش عارف أنام من قهرتي على تعبي، رسم جديد يدوب مكمل سنة، تعبت في رسمه 15 يوما في عز الشتا اللي فات، كنت بنزل من 3 بليل لـ 10 الصبح 13 ساعة رسم يوميًا، في وسط زعابيب تراب وبرد، كل تعبي اتشال في غمضة عين، راح على الفاضي، يجماعة عايز الناس اللي أنا نزلت أرسم علشانها علشان أفرحها وأدخل البهجة علي قلوبها يشيروا كلامي، فين تقدير الفن؟ أنا عايز أعرف مين المسؤل؟! حقي الأدبي فين، دي إهانة كبيرة مش ليا وبس ولكل الفنانين في أسوان.
ولقي ما نشره يوسف تعاطف الكثير من رواد مواقع التواصل الاجتماعي خاصة أهالي محافظة أسوان وتقديرهم لتعب والفن الذي يقدمه.
محافظ أسوان يتوعد المخطئ
ورد اللواء اشرف عطية محافظ أسوان على ما نشره يوسف بأنه سوف يقوم بمحاسبة من قام بمسح الرسومات دون استئذان نتيجة جهله.
رد محافظ أسوان
ووعد محافظ أسوان أنه سوف يوفر له أبرز الأماكن داخل المحافظة ليقوم بالرسم بها بخامات قيمة هدية شخصية منه.
