الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مانعاني من رؤيته وهتهرب بيه عشان تنتقم.. مصري يستغيث بالمسئولين لمنع طليقته الجزائرية من السفر بابنه الوحيد

أحمد القصبي
كايرو لايت
أحمد القصبي
الثلاثاء 29/نوفمبر/2022 - 06:02 م

طليقتي عايزة تسافر بابني خارج مصر عشان تنتقم مني.. بهذه الكلمات يستغيث المواطن المصري أحمد القصبي بالمسئولين، مؤكدا أن طليقته الجزائرية تهدده بالهرب بنجله الوحيد آدم أحمد محمود القبصي إلى الجزائر ومنعه من رؤيته.

مواطن يستغيث بالمسئولين بمنع طليقته من الهرب بابنه

وقال القصبي في تصريحات خاصة لـ القاهرة 24: طليقتي مش عايزة تخليني أكلم ابني وكل شوية تتلكك بحاجة زي النت وحش أو الطفل نايم، ومن شوية بكلمها رفضت تديني ابني، وأمها خدت التليفون منها وفضلت تشتمني قدام ابني، وبتهددني بالقتل وبأهلها وتقول لي ألفاظ وحشة، والمشكلة أن ابني قاعد وهي بتشتمني.

تعرف القصبي على طليقته عام 2019، واستمر التعارف عامًا تقريبا، ثم ذهب معها إلى الجزائر وتزوجا بشكل شفهي، ثم سافرا إلى القاهرة لتوثيق الزواج رسميا، ومنذ شهر مارس الماضي، حدث الطلاق.


وأضاف: بعد ما حصل الطلاق أديتها كل حقوقها رغم أنها خالعة، عشان هي أم ابني، ورغم  أنها سابت لوالدتي الولد في مصر، لأنها مكنتش بترضى ترضعه خايفة أن جسمها يبوظ.

وأكمل: الطلاق تم في وزارة العدل الخاصة بالأجانب بالقاهرة في شهر 3 تقريبا، وأنا اللي كنت رافض الطلاق، ومعايا تسجيلات لأمها وهي بتحرضها على الطلاق، وأنا كل اللي عايزه ابني لأني سبت دبي عشانها، وحرام أتحرم من ابني، وهي خدت كل حقوقها، فين حقي؟.

الطفل آدم 

منع الأب من رؤية ابنه

وتابع: وراحت اشتغلت في دبي بعد الطلاق وأنا اللي حجزت لها، بس هي كان غرضها أنها تغيظني بس، ولما معرفتش تعمل معايا حاجة رجعت مصر، واستغلت أني مسافر ألمانيا دلوقتي ومش عارف أتحرك رغم أن أهلي متابعين، وعايزة تهرب بالطفل، وكل اللي بطالب بيه أنها تمنع من السفر والهروب بابني لأنها هتحرمني منه نهائيا، وأنا دلوقتي مش عارف حتى أشوفه من خلال الكاميرا.

الاعتداء على الأب


قالتلي تعالى نعيش في الجزائر، ولما رفضت، قالت لي همشي.. يوضح القبصي أسباب الخلافات مع طليقته وقت الزواج، مشيرا إلى أنها سافرت إلى الإمارات لكي تتعدى عليه: كسرت لي أنفي هناك ومعايا تقرير طبي من المستشفى، ومن شهرين راحت السفارة في دبي وهي طليقتي وخدت فيزا أنها تنزل مصر وادعت وقتها أنها على ذمتي.

جواز سفر الطفل
تابع مواقعنا