شريف منير: هتلف بعلم مصر لما أموت
تحدث الفنان شريف منير عن الجمهور الذي يسخر من وجود علم مصر في منزله دائمًا، قائلا: هدفن بيه لما أموت.
وقال شريف منير، خلال ندوته مع القاهرة 24: ده موضوع بيضايق ناس كتير، هما الناس اللي مبيحبوش البلد اللي بيحب يتريق، ويقولك هو فين العلم ويكتبلك كومنت حلو أوي وهو أنت مش واخد العلم معاك ليه في المسلسل؟.
وأضاف شريف منير: العلم ورايا في كل حتة، العلم ورايا في بيتي ومطبخي، وإن شاء الله يوم ما أموت هتلف بيه.
وفي سياق آخر، قال شريف منير: دلوقتي الحزن بقى يومين حتى عند أهل الميت، البركة في الإحساس بفقدان الشخص قلت، وقت الحزن بقى ساعات، إحنا كان بيبقى عندنا أيام وأسابيع، والولاد الشباب في الشارع كانوا بيخبوا السيجارة لو شافوا والدي.
آخر أعمال إيجار قديم
يعد مسلسل إيجار قديم آخر أعمال شريف منير، وحقق العمل نجاحًا كبيرًا، وضم عدد كبير من النجوم أبرزهم، ميمي جمال، صلاح عبد الله، فيدرا، محمد الشرنوبي، بسمة داوود، وعدد آخر من الفنانين، والعمل من تأليف عمرو الدالي وإخراج طارق رفعت، وتدور أحداثه في إطار اجتماعي دراما.
وينتظر شريف منير عرض فيلم السرب، ومن المقرر عرضه في شهر ديسمبر الجاري، وهو من بطولة أحمد السقا، آسر ياسين، كريم فهمي، هند صبري، وعدد آخر من الفنانين، والفيلم من تأليف عمر عبد الحليم وإخراج أحمد نادر جلال.
