الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

سمر مرسي: منعطف خطر وصل للعالمية.. وأتمنى المنتجين يكون عندهم الشجاعة يعملوا زي هوليوود | خاص

سمر مرسي
فن
سمر مرسي
الجمعة 16/ديسمبر/2022 - 09:21 م

تحدثت الفنانة سمر مرسي عن نوعية الأفلام التي تفضلها وعن سر تفوق صناعة السينما في هوليوود على صناعتها في العالم العربي، ووجهت رسالة للمنتجين ليطوروا من السينما في مصر.

سمر مرسي: أفضل الأفلام الأجنبي عن العربي لهذا السبب 

وقالت الفنانة سمر مرسي في تصريحات خاصة لـ القاهرة 24: نوعية الأفلام اللي أنا بحبها للأسف مش موجودة كتير في العربي يعني أنا مثلا بحب نوعية أفلام الديستوبيا والـ  CGI، وأتمنى إن احنا يكون عندنا الشجاعة كمنتجين نعمل الحاجات دي لإن احنا عندنا الإمكانيات إننا نعمل الحاجات دي وعندنا الناس وعندنا الفلوس وعندنا التكنولوجيا وعندنا كل حاجة تأهلنا، والجمهور بيحب النوعيات دي فأتمنى نشوفها في مصر قريب أعمال زي أفلام هوليوود وAvatar ؛لإن احنا مش أقل منهم في حاجة.

 سمر مرسي

سمر مرسي: منعطف خطر وصل للعالمية وهذا سر تفوق هوليوود

وأضافت الفنانة سمر مرسي: والعالمية علشان توصلها لازم تكون بتخاطب الإنسانة والعواطف والمشاعر أو الإنسان بشكل عام مش موجه لشعب معين أو فئة معينة علشان كده هوليوود بتقدر توصل لكل الناس، ومش عايزة أكون متحيزة في اختياري لعمل عربي وصل للعالمية بس مسلسل منعطف خطر نقدر نقول عليه كده لأنه وصل لناس كتيرة أوي برة واترجم للغات تانية غير العربية كتير.

 سمر مرسي

آخر اعمال سمر مرسي 

يشار على أن من آخر أعمال الفنانة سمر مرسي مسلسل الاختيار 3 والذي طرح في الموسم الرمضاني الماضي 2021 وتدور أحداثه حول ما شهدته مصر خلال السنوات الماضية التي أعقبت ثورة 25 يناير، والأسباب التي أدت إلى وصول جماعة الإخوان إلى رأس السلطة، والأزمات التي لحقت بمصر في تلك الفترة التي سببت في حالة غضب شعبي على الجماعة، والتي انتهت باندلاع ثورة 30 يونيو.

وشاركت الفنانة سمر مرسي في الجزء الثالث من مسلسل الاختيار بجانب العديد من الفنانين منهم ياسر جلال وأحمد عز وأحمد السقا وكريم عبد العزيز وإيمان العاصي ومحمد رياض وصبري فواز وغيرهم تأليف هاني سرحان وإخراج بيتر ميمي.

تابع مواقعنا