ياسمين عز بعد تتويج ميسي بالمونديال: أنا ربنا نصرني.. شوفتوا الاستقرار بيعمل إيه
عبرت الإعلامية ياسمين عز، عن سعادتها بتتويج ليونيل ميسي بالمونديال، بعدما تمكن المنتخب الأرجنتيني من الوصول إلى المباراة النهائية لبطولة كأس العالم لكرة القدم 2022، التي أقيمت في قطر.
وقالت ياسمين في برنامجها كلام الناس المذاع عبر قناة mbc مصر: الحمد لله والشكر لله أنا ربنا نصرني، أوعوا تنكروا إن في اللحظة اللي ميسي شال فيها كأس العالم افتكرتوني وافتكرتوا كلامي عن ميسي ومراته، وشفتوا الاستقرار والجواز بيعمل إيه، وشفتوا الست لما تكون واقفة في ظهر جوزها وتدعمه وتدلعه وتهننه وتحننه وبتاخد بالها منه وبتخليه أحسن حد في الدنيا بيبدع ويطلع أحسن ما عنده وبتخليه عنده طاقة فوق طافقته.
وأضافت ياسمين عز: وطبيعي جدا إن العالم بالنسبة لجوزها في كفة وهي في كفة.. لأن بعد الماتش من ساعة لما مسك الكأس ما سبوش من إيده إلا لما شاف مراته وخدها في حضنه وهي من كتر فرحتها وقلبها اللي كان مرفرف اترمت في حضنه وعيطت.. أنا واثقة في اللحظة دي إن شريط كامل من الأحداث جت في دماغها ومرت قدامها، وقالت أخيرا الحلم اتحقق لأن دي أول مرة يوصل فيها لنهائي المونديال بعد ما أتجوزها رسمي، لأنه في 2014 لما وصل للنهائي خسروا لأنه ما كنش لسه متجوزها.. والكلام ليكي يا جارة.. كريستاينو سامعنا وعارف إن كلامي هيوصله ومش هقول متابعني علشان في ناس بتتقمص.
