السيسي: الأسعار حمل على الناس.. لكن والله ما فيه أكتر من كدة نقدر نعمله
قال الرئيس عبد الفتاح السيسي، رئيس الجمهورية: بقول لإخواتنا المزارعين، لو الأسعار بتاعة الغاز اللي داخلة في صناعة الأسمدة بتتسعر زي السعر العالمي، الثمن هيكون حاجة تاني خالص، وإحنا بنسعى للاستقرار في مدخلات الزراعة.
وأضاف الرئيس السيسي، خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة: المزارع لما ياخد الغاز بسعر عالي هيعلي المنتجات، يبقى المواطن هيلاقي حاجته بأسعار غالية جدًا، وكل كلمة بقولها لكم ممكن تبقى عنوان كبير وتتكلموا في كتير جدًا.
وتابع السيسي: عارفين يعني إيه المنتجات الزراعية بتاعة الناس تزيد أسعارها مين هيستحمل ده، والبلد بتحاول أن تحافظ ما أمكن أن الأسعارما تزِدش.. اوعوا تفتكروا إننا مش حاسن إن الأسعار حمل على الناس، بس والله ما فيه أكتر من كدة نقدر نعمله.
إطلاق أول قافلة يتم الإفراج عنها من الموانئ
على جانب آخر، وجّه الرئيس عبد الفتاح السيسي، كلمته إلى الدكتور مصطفى مدبولي، قائلا: الناس تشوف حجم الحاجات اللي هتخرج من الموانئ الفترة الجاية، وأرجو مع إطلاق أول قافلة يتم الإفراج عنها من الموانئ؛ نكون موجودين هناك ونقول بيانات أكثر للناس.
وأضاف السيسي، خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة: ربنا وفقنا ننفذ الالتزام ده.. بنتكلم على مليارات كتير.. الناس مسكت في الدولار شوية بس لا بأس.
