السيسي للمزارعين: لو سعّرنا الأسمدة بالتكلفة العالمية هتكون غير كده
حرص الرئيس عبد الفتاح السيسي، رئيس الجمهورية، على توجيه رسالة للمزارعين، بقوله: أنا لو الأسعار بتاع الغاز اللي داخل في صناعة الأسمدة بيتسعر بالشكل العالمي هتكون الأسعار غير كده خالص.
وأضاف السيسي خلال كلمته على هامش افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، أن الدولة تسعى لتطوير واستقرار مدخلات الزراعة، وبالتالي الأسعار لم تزد بالقمية التي تحتاجها تلك الصناعات لهذا الإنتاج.
السيسي يشهد افتتاح مصنعي إنتاج الغازات الطبية والصناعية
وتابع رئيس الجمهورية: أنا براجع في البيانات وبقول لما اتحركنا في موضوع بعض المواد الخاصة والاستراتيجية اللي من ضمنها الكلور والغازات الطبية ولما اتكلمنا في الغازات الطبية إنتاجنا قبل كده يكفي وجاءت أزمة كورونا وقولنا لازم يكون عندنا كميات تكفي التطور خلال السنوات الجاية.
واستكمل الرئيس: بنقول ده في ظل التطورات الموجودة في العالم، مفيش استقرار في موضوع التعاقدات العالمية، والتكلفة زيادة والتوقيتات مختلفة والحاجات الاستراتيجية اللي ما نقدرش نستغني عنها سواء كان بالاستيراد نتيجة سلاسل الإمداد خلال الثلاث سنوات الماضية، سنتين فى كورونا وسنة الحرب الروسية الأوكرانية، ما أمكن أنه عندنا إنتاج ذاتي محلي لبعض الموضوعات اللي ما نقدرش نستغني عنه.
