تامر أمين لطارق الشناوي: دافعت عن البتاع بتاع منى زكي بمبدأ الحريات وجيت عند الشعراوي ومش عاجبك
انتقد الإعلامي تامر أمين، التطاول على الشيخ الشعراوي، وحدثت مشادة بينهما في مداخلة هاتفية في برنامج آخر النهار.
وقال الشناوي: ليا عتاب عليك، وإنك بتقول أني مشترك في موسم الهجوم على الشيخ الشعراوي، أنا مش بشترك في مواسم، لكن فيه شيء متعلق بتخصصي اتكلمت فيه أنا مش ضد الشعراوي ولا ضد أي حد.
وأضاف: أنا شخصيًا تم التطاول عليا كثيرًا وناس تقول ما تعرفش ربنا هل أنتم دخلتم في ضميري وعرفته أنا أعرف ربنا ولا لأ، أنا لدي وجهة نظر، أولًا لو قرأت كل اللي كتبته عن الشعراوي، كنت أكدت فيه دايمًا على أن الشعراوي فسر القرآن وبسّطه، وذكاء منه أنه قال خواطر وليس تفسيرًا، وعنده إيمان باللغة العربية وتفاصيلها وعنده إيقاعه في فن الأداء مش معنى كده أنه ممثل، لكنه يمتلك الحضور والقبول.
وأردف قائلا: أنا بقول بكل حب للشيخ الشعراوي إنه فيه بعض أفكار كان بيقول لها لا تناسب هذا الزمن، لكن مثلًا الإمام محمد عبده كان عنده أفق أوسع في الحريات، وكان بيقال إنه بيساعد قاسم أمين، في كتابه تحرير المرأة، لكن الشعراوي لديه بعض الأحاديث ضد المرأة، وأنا مش ممكن أوافق على الفكر ده، وصلى ركعتين في هزيمة النكسة 67، وفيه تسجيل موثق قال فيه إنه شكر ربنا علشان اتهزمنا.
من جانبه رد تامر أمين على الشناوي: هو شاف أن الهزيمة نعمة من عند ربنا، بمبدأ عسى أن تكرهوا شيئًا وهو خير لكم، لأننا فقنا بعد الضربة دي وبنينا جيشنا صح.
دافعت عن منى زكي ومش عاجبك الشعراوي
وأضاف: أنت اللي عمال تعلمني الحريات ودافعت عن البتاع بتاع منى زكي بمبدأ حرية الرأي جيت عند الشعراوي ومش عاجبك رأيه، انتم سايبين سيد قطب وابن تيمية والقرضاوي وماسكين في الشعراوي، دول الأولى بتوجيه مدافع الرأي ليهم.
ودافع الشناوي عن نفسه قائلًا: ما عملتش غلطة تستحق الزوبعة والهجوم الضاري، اللي قاله يجرحني أنا كمصري بخصوص، وكمان له بعض أحدايث اللي بتخاصم عقلي زي الزبابة.
وعاد تامر أمين وردّ على الشناوي قائلًا: في النهاية احترم اجتهاده، أنا ضد المزايدة والتطاول، خصوصا لما يكون سيد القائلين، وهو النبي محمد المعصوم من الخطأ.
