خالد الصاوي: مفيش خلافات مع ليلى علوي.. وخدت فلوسي من ممدوح شاهين
كشف الفنان خالد الصاوي، حقيقة خلافه مع الفنانة ليلى علوي بسبب ترتيب الأسماء على تتر مسلسل هي ودافنشي، كما تطرق للحديث عن خلافه مع المنتج ممدوح شاهين.
وقال خالد الصاوي، خلال تصريحات تليفزيونية: مفيش مشاكل بيني وبين ليلى علوي، وأنا في أول ظهور ليا اشتغلت معاها وهي استقبلتني وادتني وضعي، لذلك كان طبيعي يبقى اسمها قبلي في هي ودافنشي، ومفيش مشاكل بيني وبين أي حد في الوسط.
أما عن خلافه مع الفنان ممدوح شاهين، أضاف خالد الصاوي: خدت فلوسي من المنتج ممدوح شاهين، وباخد حقي من أي حد؛ لأني محامي وابن محاميين، ورافع عليه قضية تعويض؛ لأنه خد فلوسي وأنتج بيها فعلى الأقل أبقى شريك في الأرباح.
وعن مشاركته في فيلم عمارة يعقوبيان، تابع خالد الصاوي: أنا مش عارف محمود حميدة رفض دوري في عمارة يعقوبيان، بس في نجوم كبار اعتذروا عن الدور وعندهم حق، اكتشفت إن الحياة مش بالدراع بس القوة جزء أساسي فيها، والحياة بشكل عام ماشيه بالقوة.
أعمال خالد الصاوي الجديدة
ينافس خالد الصاوي في موسم دراما رمضان 2023، بمسلسل سره الباتع، عن رواية الكاتب الراحل يوسف إدريس، ويشارك به العديد من الفنانين، منهم: أحمد فهمي، هالة صدقي، عمروعبد الجليل، منة فضالي، أحمد عبد العزيز، حنان مطاوع، مصطفى درويش، سهير المرشدي، أحمد وفيق، شمس الكويتية، رانيا التومي.
