مرتضى منصور: مش هسكت غير لما أُفككّ الشللية.. وغرور فيريرا سببه جماهير الزمالك
علق المستشار مرتضى منصور، رئيس نادي الزمالك، على خسارة الأبيض أمام بيراميدز، بركلات الترجيح، وتوديع بطولة كأس مصر وتقديم أداء سيء.
قال مرتضى منصور خلال تصريحات تلفزيونية عبر قناة الزمالك: فيريرا اتغير بسبب جمهور الزمالك، ومش بيسمع رأي حد.. وشخط في أسامة نبيه مدرب منتخب مصر.
أضاف رئيس نادي الزمالك: فيريرا مستمر في منصبه ولن يرحل، وباتشيكو تفوق علي فيريرا بعد طرد عبدالله السعيد، وبقوله اتق ربنا والعب بكل واحد في مكانه.
أضاف: الزمالك به 4 فرق ومحدش بيباصي لسامسون اللي جايب 28 جول، ومحمد عبدالشافي كان أقوى لاعب في الملعب، وعمرو السيسي بيتوظف غلط في الملعب، والله العظيم التدريب مش كيميا،كل واحد يلعب مكانه.
أكمل مرتضى منصور: شلة الأجانب وشلة الغلابة وشلة المعلمين.. مش هسكت علي الشللية اللي شامم ريحتها وهفككها قريبا، وأطالب الجماهير بكتم غضبهم وغيظهم ومساندة الفريق حتي مباراة الأهلي.
أضاف: فريق الزمالك كله بيقبض ماعدا أنا وأمير والجمهور العظيم، وبقول للمدرب تاني، خد رأي المساعدين.. دول نجوم مش خدامين، واللاعب اللي عنده عرض يجيبه ويمشي.
وشدد في نهاية حديثه: شفتوا حسين لبيب ولجنته السبب في رحيل باتشيكو عن تدريب الزمالك، اللي عمل ماتش عالمي النهارده وأنا كنت جايبه يدرب الفريق.
