الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

الإعلامي سعيد جميل عن فيديو الأسد لما يغيب لـ حسام حبيب: كنت بقدمه إنه هيرجع يغني تاني

الإعلامي سعيد جميل
فن
الإعلامي سعيد جميل
الخميس 19/يناير/2023 - 05:18 ص

علق الإعلامي سعيد جميل، على فيديو الفنان حسام حبيب، الذي انتشر وقت خلافاته الأخيرة قبل عودته من جديد لـ زوجته الفنانة شيرين عبد الوهاب، والذي قال خلاله: الأسد لما بيغيب الغابة بتسيب.

 

وقال سعيد جميل، خلال ندوة تكريمه في القاهرة 24: الفيديو ده الناس فهمته غلط إحنا ولا كنا جايبين سيرة شيرين ولا اتكلمنا على شيرين، اللي حصل إني كنت قاعد مع حسام وقولتله إنت فنان وشاطر جدًا والحقيقة أغانيك وألحانك جميلة، هو أنت ليه غايب؟

 قالي أنا اتكعبلت شوية والفترة اللي جاية إن شاء الله ناوي أعمل شغل كويس.

 

وتابع: كان الهدف من الفيديو إني أقوله في ناس كتير طلعت وأنت موجود يا حسام، فالأسد لما بيغيب إيه اللي بيحصل؟ الغابة بتسيب، فاقولت استنوا حسام حبيب وحبيبي وحبيبكم هيكسر الدنيا وهيقدم أعمال فنية، هما خدوا الفيديو ولقيت معركة دايرة وبهدلوني، ولكن أنا كنت بقدم الراجل إنه هيقدم أعمال الفترة اللي جاية.

سعيد جميل

كما كشف الإعلامي سعيد جميل، عن رأيه في تناول شيرين عبد الوهاب وحسام حبيب، خلافاتهم في العلن أمام جمهورهم، قائلًا: بالنسبة لـ رأيي فأنا شايف أن اللي مبسوط في علاقة ما تسيبوه مبسوط واللي مضايق سيبوه مضايق، يعني الاتنين دول لو مش مشهورين كانوا هياخدوا الاهتمام ده؟ ما في مش مشهورين بيعملوا بلاوي سودة وبيبقوا هيرموا بعض من البلكونة.

 

ووجه سعيد جميل، رسالة لـ شيرين عبد الوهاب، وحسام حبيب في نهاية حديثه، قائلًا: عمومًا ربنا يسعدهم هما رجعوا لبعض وأنا بقدم لهم تمنياتي الخالصة أن ربنا يسعدهم ويبعد عنهم العين ويبعد عنهم كل حاجة وحشة.

تابع مواقعنا