مدحت صالح: أرفض المشاركة في برامج تحكيم المواهب.. وأغاني المهرجانات بدأ مستواهم يتحسن
أكد الفنان مدحت صالح، رفضه بالمشاركة في برامج التحكيم على المواهب الشابة، بجانب الحديث عن رأيه في لون المهرجانات الشعبية.
وقال مدحت صالح، خلال تصريحات تلفزيونية: مش بحب أصدر أحكام على حد، ومقدرش أقول أنى وصلت لمرحلة أنى أقول على حد ده كويس وده وحش، ومش بحب أبقى في الحتة دي وفي ناس غيري عندهم القدرة.
وأضاف مدحت صالح، أنه دائما يشعر برغبته في التقييم من أحد، متابعا: لو اتعرض عليا برامج التحكيم بفلوس كتير هبقى خايف من نفسي وأنا عندي فلوس والمسألة كلها إنسانيًا ومش بحب أكسر بخاطر حد.
وأشار الفنان مدحت صالح إلى أنه لا يرفض تترات مسلسلات وتتر مسلسل وبينا ميعاد يقدم فيه شكل مختلف له، متابعا: في الغالب لا أرفض تترات مسلسلات والتترات قريبة لقلبي ومن القديم في أغاني أفلام وتترات كتير بحبها.
أغاني المهرجانات الشعبية
وفي سياق آخر، تحدث مدحت صالح عن رأيه في أغاني المهرجانات بشكل عام، حيث أوضح: أنا عملت أغنية مهرجانات بشكل أحبه وجبت الشباب الموهوبين في الحكاية دي.
وأضاف مدحت صالح نه يشجع المطربين الذين يقدموا المهرجانات، قائلا: أنا جبت عندي بعض صناع المهرجانات وصنعوا أغنية حلوة وانا بشجعهم ولكن بشرط احنا بندخل بيوت وبنتسمع في أسر.
وأختتم مدحت: الأطفال شديدي التأثر والغلطة في المهرجانات عندنا كبيرة ولكن مطربي المهرجانات بيتحسنوا وبيقدموا أعمال بعيدة عن المفردات المتدنية.
