محمد صبحي: مسرحية عيلة اتعملها بلوك أكتر عرض اتعمله بروفات.. وجمهورنا بتاع حدوتة
تحدث الفنان محمد صبحي، عن عرضه المسرحي عيلة اتعملها بلوك، وتفاصيل كواليسها بعد النجاح الكبير الذي حققته المسرحية منذ بداية عرضها في 15 من شهر ديسمبر الماضي 2022.
وقال محمد صبحي، خلال المؤتمر الصحفي الخاص بـ مسرحية عيلة اتعملها بلوك، المنعقد حاليًا بمسرح سنبل بمدينة سنبل للفنون: مفيش أي صعوبات واجهتني ولكن ساعات في الدراما في حاجات بتحتمل وجهين أنا بحب بلدنا أوي ولكن ده مش هيمنعنا إننا نقول اللي عايوينه بطريقتنا، والمسرحية بتقول إننا عملنا بلوك على اللي مش عايزينه وفي نظرية التخلف، وشوفنا التأثير الاجتماعي والاقتصادي والثقافي قد إيه بيتأثر وبيأثر.
وأردف قائلا: المشكلة كانت في الوعاء الكبير اللي بيلم العرض زي الاستعراضات يعني أنا لو لقيت أغنية لو اتشالت متأثرش في المسرحية تبقى مشكلة، والممثلين عملوا بروفات كتير جدًا وكان لازم الممثل يقنع الناس لأن جمهورنا بتاع حدوتة وبيتصدم لما ممثل بيعمل أكتر من شخصية ودي كانت أكتر حاجة مخوفاني، وكانت أكتر مسرحية اتعملها بروفات.
المؤتمر الصحفي الخاص بـ مسرحية عيلة اتعلها بلوك
كما تحدث الفنان محمد صبحي، عن رد فعل الجمهور تجاه مسرحية عيلة اتعملها بلوك، قائلًا: إحنا مسجلين 60 ساعة والجمهور بيخرج برا بيقول رأيه وفيه بنت أبهرتني عندها 12 سنة ضحكت وعيطت بس شوفت زمان اتضايقت من النهاردة.
مسرحية عيلة اتعملها بلوك
يشارك الفنان محمد صبحي في بطولة مسرحية عيلة اتعملها بلوك كل من: الفنانة وفاء صادق، وأيضًا فرقة استوديو الممثل: كمال عطية، مصطفى يوسف، محمد يوسف، محمد سعيد، رحاب حسين، داليا حسن، منة طارق، ليلى فوزي، محمود أبوهيبة، محمد شوقي طنطاوي، أنجيليكا أيمن، مايكل وليم، لمياء عرابي، حلمي جلال الدين، داليا نبيل، محمد عبدالمعطي، وليد هاني، والطفلان عبد الرحمن محمود ومريم شريف.
