طارق الدسوقي: أتمنى تقديم برنامج تليفزيوني.. ومش هقبل يقولوا علشان مبيشتغلش بقى مذيع
كشف الفنان طارق الدسوقي عن رغبته في خوض تجربة تقديم البرامج التليفزيونية، مُشيرًا إلى أنه بصدد الموافقة على أحد العروض المقدمة له لتقديم برنامج تلفزيوني خاص به خلال الفترة المقبلة.
وقال طارق الدسوقي في تصريح خاص لـ القاهرة 24: أتمنى أن أخوض التجربة الإعلامية لو أُتيحت لي الفرصة على قناة جيدة وبرنامج جيد وفريق إعداد جيد أنا يُسعدني ويشرفني.
وتابع: أنا اتعرض عليا قبل كده كتير أقدم برامج، ولكن مش عايز أبقى من الفنانيين اللي بيقولوا عليهم ده علشان مبقاش يمثل قال يشتغل مذيع ومش هقبل على نفسي ده ولازم أكون إضافة، ولو عملت برنامج هيكون فني وسياسي وديني وهيتكلم عن كل القضايا في المجتمع ونطرح حلول ليها، وأنا في صدد قبول العرض لو اتعمل البرنامج بالشكل اللي أنا بحلم بيه.
طارق الدسوقي: مش قصدي أقلل من شأن الشيوخ
ومن جهة أخرى، علق الفنان طارق الدسوقي في تصريحاته على حديثه بشأن تأثير الدراما على المجتمع بصورة أكبر من الخطاب الديني، قائلًا: مش قصدي إني أقلل من شأن الشيخ أو القس إحنا محتاجين لـ كليهما، ولكن فعلًا قوة تأثير الدراما بشعة لأنها بتدخل كل بيت كل يوم وكل لحظة، بتدخل بيوت 100 مليون مصري و300 مليون عربي.
طارق الدسوقي
كما كشف طارق الدسوقي، تفاصيل اعتذاره عن مسلسل جعفر العمدة بطولة الفنان محمد رمضان وإخراج محمد سامي، موضحًا: محمد سامي مخرج شاطر وذكي جدًا ومن المخرجين اللي بيعرفوا يوجهوا الممثل كويس جدًا جدًا، ولكن وجهات نظرنا لم تتوافق في مسلسل جعفر العمدة، أنا كان ليا تعديلات على النص ككل مش دوري أنا بس ولكن ماحبتش أدخل في نقاش ونتضارب في وجهات النظر واعتذرت عن العمل.
