لبلبة باكية: الشحرورة عايشة في قلبي.. وكانت متاكلش في مصر غير معايا
دخلت الفنانة لبلبة في نوبة من البكاء بعد الحديث عن ذكرياتها مع الشحرورة الفنانة الراحلة صباح، حيث كانت تجمعهما علاقة صداقة قوية.
وقالت لبلبة، خلال تصريحات تلفزيونية: صعب أوي تقولي لحد أنتي بتحبيه إنك إزاي وحشتيه صحيح راحت عند ربنا لكن هي عايشة في وجدان كل الشعب اللي بيحبها والملايين اللي بتحبها وعايشة في قلبي.
وتابعت لبلبة: عايز اقولها إنها وحشتني أوي أنا صحيح بشوفها في الأفلام لكن أنا عايزة أشوف طلتها وجمالها وحلاوتها.
وأضافت لبلبة: هي كانت آخر 5 سنين لما كانت بتنزل مصر تقول لصحابها اللي بيعزموها عايزة لبلبة وكانت مش بتأكل غير لما أنا آجي وأشوفها.
لبلبة تتحدث عن رأيها في الفنانة منى زكي
وعلى جانب آخر، تحدثت لبلبة عن تعاونها مع الفنانة منى زكي في فيلم الجواهرجي، المقرر عرضه في السينمات قريبًا، مؤكدة أنها لن تتكرر مرة ثانية مثل عبد الحليم حافظ وأم كلثوم.
وقالت لبلبة، خلال لقائها ببرنامج ذا إنسايدر بالعربي: بحب منى زكي جدًا لأن أخلاقها عالية، مفتكرش هيجي زيها تاني، زي ما عبد الحليم حافظ مجاش زيه وأم كلثوم ومحمد عبد الوهاب، فى منى زكي أيضًا لن تتكرر.
ويضم فيلم الجواهرجي، نخبة من أبرز الفنانين، منهم: محمد هنيدي، منى زكي، لبلبة، أحمد صلاح السعدني، ريم مصطفى، تارا عماد، وهو من تأليف عمر طاهر، وإخراج إسلام خيري.
