محمود الليثي: أغنية العنب والمرجيحة كانوا بتوعي لكني مابكسفش حد اتعشم فيا عشان كدا ربنا كرمني
تحدث المطرب الشعبي محمود الليثي عن علاقته بأصدقائه في الوسط الفني وعن أول تجاربه في عالم الغناء والتمثيل.
قال محمود الليثي خلال استضافته في ندوة القاهرة 24، إنه من المستحيل أن يبخل على أي أحد من أصدقائة في الوسط الفني بأي شئ، موضحا: رب الخير لا يأتي إلا بالخير، لو حد اتعشم فيا في أي حاجة مستحيل أقوله لا عليها، ولما بسامح في حاجة ربنا بيدني أكتر وأكتر، وعمرو السعيد لما كلمني على أغنية المورجيحة قولتله عنيا، وكذلك أغنية العنب كانت بتاعتي.
وتحدث الليثي عن بداية مشاركته كمغني في فيلم كبارية قائلا: أحمد السبكي دور عليا وسعد الصغير كلمني، قال لي أنا سعد الصغير وقال لي تعالى عند السيناريست أحمد عبد الله، دخلت عنده قال لي عندنا فيلم اسمه كباريه عاوزين غنوتين غنوة عن الفلوس وغنوة تانية قلت له لسه عامل أنت دنيا وعملت أغنية فلوس تعلي.
حديث محمود الليثي عن دخوله التمثيل
و أكد محمود الليثي أن دخوله عالم التمثيل كان صدفة، مشيرا إلى أول أعمال الفنية كانت من خلال فيلم بعنوان شارع الهرم بطولة لطفي لبيب وسعد الصغير، معلقا: لما شاركت في فيلم شارع الهرم، سيد السبكي أتصل ب المنتج أحمد السبكي وقاله كلم محمود الليثي وهاته معانا قاله هنعمله أغنية قاله لا هاته بس وهنعملله مشهد حلو مع لطفي لبيب، ودا بدايتي في التمثيل، والحمد لله كان من الأفلام الناجحة.
وأشار محمود الليثي إلى أن الغناء هو فن تجسيد الشخصيات وليس التمثيل، ووضح: الممثل الصح يفهم أن التمثيل ما لا تمثيل، يعني بتمثل بطبيعتك أنما المطرب بيجسد شخصية، والمطرب الشاطر على المسرح يبقى أسد وهو بيغني.
