إيساف: الرجل المصري استفزني في علاقاته وبشوف مشاهد غريبة على مجتمعاتنا الشرقية
طرح المطرب إيساف أغنية جديدة بعنوان عشان راجل، عبر قناته الرسمية بموقع يوتيوب، من كلمات أحمد عادل توفيق، وألحان أحمد البرازيلي، وتوزيع محمود صبري.
وقال المطرب إيساف، إن الأغنية تحمل رسالة إلى الشباب، مشيرًا إلى أنها عبرت عما بداخله لذا اجتهد لطرحها، وأهداها إلى وزارة الشباب والرياضة.
وأضاف إيساف في فيديو عبر حسابه بموقع التواصل الاجتماعي فيس بوك: بشوف مشاهد غريبة على مجتمعاتنا الشرقية، والرجل المصري في العلاقات استفزني، خاصة لما لاقي اتنين مرتبطين ببعض لما يسيبوا بعض بيطلعوا في برامج أو على السوشيال ميديا ويقولوا كلام مش كويس دي حاجة مش حلوة، أو اللي بيتكلم عن خطيبته أو مراته كلام مش كويس والكلام ده مضايقني جدًا.
وأكمل إيساف: لو الست هيقتال مش أصيلة، لكن لو الرجل هيتقال كلام مش حلو، علشان كده اتحمست لما سمعت الملحن أحمد البرازيلي بيقول الأغنية لأن كلماتها بتعبر عن كل اللي جوايا والحالة اللي بتستفزني، فعلى طول اجتهدت وشبطت فيها ووزعتها مع محمود صبري وخلصتها وكل كلمة جواها رسالة وعرضناها على وزارة الشباب والرياضة تحت شعار حملة أخلاقنا.
كلمات أغنية عشان راجل
وتقول كلمات الأغنية: عشان راجل عشان أفضل كبير حتي في نظر نفسي سيبها تقول في حقي كتير وما بدافعش عن نفسي عشان لما يجيبوا سيرتي قلبها يحزن بقول بكرا الحقيقة تبان وخليني أنا الأحسن علشان مليون عشان وعشان عشان عشيرتنا حتي زمان رضيت أني أبان خاين ومرضيتش أقول متخان، أنا أقدر أقول أكتر وأعيب بكلام كتير فيها لكن بعمل حساب لسنين معملتش حساب ليها تقول سيبته تقول سابني متفرقش أوي عندي أكيد بتقول كده للناس عشان عارفة السكوت ردي.
