الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

يوسف حسن قائد منتخب الشباب: هدفنا الفوز ببطولة إفريقيا.. وسنفتقد صلاح باشا

يوسف حسن
رياضة
يوسف حسن
الجمعة 17/فبراير/2023 - 06:21 م

تحدث يوسف حسن قائد منتخب الشباب، عن مشاركة صغار الفراعنة في بطولة كأس الأمم الإفريقية للشباب تحت 20 عامًا، التي تستضيفها مصر انطلاقًا من الأحد المقبل.

تصريحات يوسف حسن

وقال يوسف حسن في تصريحات خلال المؤتمر التقديمي للبطولة: معندناش أي ضغط، البطولة على أرضنا والجمهور هيساندنا أكتر وأكتر وبإذن الله نحاول نكسب البطولة.

وتابع يوسف حسن: احنا بنلعب لهدف واحد إننا نكسب البطولة والبطولة بتاعتنا، وصلاح باشا هنفتقده كتير بس احنا عندنا لعيبة مميزة ونتمنى له الشفاء.

وواصل يوسف حسن: ذاكرنا الفرق اللي معانا كويس ومحمود جابر قالنا هنعمل إيه كويس وبتشتغل عليه.

واختتم يوسف حسن لاعب الزمالك: مجموعتنا صعبة؟ البطولة على أرضنا ونؤدي بشكل كويس ونقدر نفرح الجمهور.

وفي وقت سابق، قال أحمد حسن في مؤتمر تقديم بطولة كأس الأمم الإفريقية للشباب: سعداء أن تُقام بطولة كأس الأمم الإفريقية للشباب في مصر، ونرحب بالجميع، وأي حدث يقام في مصر الكل يتكاتف من أجل نجاحه، والتنظيم سيكون على أعلى مستوى.

وأضاف أحمد حسن: منتخب مصر عنده هدفين الفوز بالبطولة والوصول لكاس العالم، فيه مجموعة لعيبة مميزين على أعلى مستوى، فيه لعيبة كتير بتلعب دوري ممتاز، ودي نقطة كويسة، أنا قعدت مع اللعيبة قولتلهم انتو بتدافعوا عن اسم بلدكم وده بيديكم حافز، لازم ندعمهم، وإن شاء الله يفاجؤونا ويقدموا بطولة كويسة.

تابع مواقعنا