عصام عمر: نفسي أشتغل مع عادل إمام.. ومش مهم أقدم دور بطولة الأهم الناس تصدقني
كشف الفنان عصام عمر، عن أمنيته بالعمل مع الفنان عادل إمام، مؤكدًا أنه لا يتهم بتقديم أدوار البطولة وما يهمه هو توصيل رسالة الدور للجمهور.
وقال عصام عمر، خلال لقائه مع القاهرة 24: نفسي أشتغل مع أستاذ عادل إمام، ومفيش دور نفسي أعمله ولكن نفسي أعمل أدوار كتير حلوة، ومش مهم أقدم بطولة والأهم يكون الدور حلو وأوصله للناس ويصدقوا إني بني آدم تاني.
وأردف عصام عمر، عن اليوم الذي لم يذهب من ذاكرته حتى الآن، قائلًا: يوم ما المخرج دكتور بيتر ميمي كلمني علشان أعمل دور أخو كريم عبد العزيز في مسلسل الاختيار.
أما عن مواصفات فتاة أحلامه، فعلق قائلًا: مفيش مواصفات معينة للبنت اللي تلفت نظري، ولكن كلها على بعضها كده جميلة، وبحس إن عنصري شوية لو قولت هي لفتت نظري علشان حاجة، هتلاقي عندها حاجات حلوة ووحشة زي ما أنا عندي.
أعمال عصام عمر
ومن جهة أخرى، يُعرض للفنان عصام عمر في الوقت الحالي مسلسل بالطو، وحقق العمل نجاح كبير منذ بداية عرضه على منصة WATCHIT.
أبطال مسلسل بالطو
شارك في مسلسل بالطو، عدد كبير من الفنانين أبرزهم الفنان الشاب عصام عمر، محمد محمود، محمود البزاوي، سلافة غانم، محمد رضوان، عارفة عبد الرسول، مريم الجندي، والعمل من إخراج عمر المهندس وتأليف أحمد عاطف فياض.
