الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

إحدى ضحايا هوج بول بالأقصر تستغيث: خسرت 136 ألف جنيه فلوس فرحي

شهادة لمنصة هوج بول
محافظات
شهادة لمنصة هوج بول
الجمعة 03/مارس/2023 - 11:06 م

يظهر كل يوم ضحايا جدد لمنصة هوج بول المتهمة بالاستيلاء على أموال آلاف الشباب، ووصلت تقديرات الخسائر في منطقة جزيرة العوامية بمدينة الأقصر وحدها إلى نحو 3 ملايين جنيه في أقل تقدير بحسب الضحايا.

 

خسرت فلوس جهازي وجوازي

تقول نرمين عبدالرحيم، وتعيش في جزيرة العوامية لـ القاهرة 24: أنا مخطوبة بقالي 3 سنين وفرحي كان الصيف المقبل وحطيت كل فلوس جهازي وفرحي في منصة هوج بول.

شركة هوج بول

136 ألف جنيه شقى عمرى أنا وخطيبي

وأضافت: خسرت 136 ألف جنيه شقى عمري أنا وخطيبي فيهم فلوس جهازي ودهبي وفلوس كنت واخداها من أمي ومش عارفين هنعمل أيه.

أوهمونا بالسجل التجاري والشهادات المختومة

وواصلت نرمين: أوهمونا بالسجل التجاري المختوم والشهادات الموثقة وصور لحسابات تم تحويل أموال أرباح عليها والكارثة عندما حفزونا بضخ أموال زيادة لتحقيق أرباح أكثر قبل يوم 28 فبراير لنكتشف إغلاق المنصة فجأة وكل اللي قبضته 1600 جنيه والستار موجود ربنا مش بيسيب حد.

سجل شركة هوج بول

خسارة أكثر من مليون جنيه بشارع واحد

ومن جانبه يقول هاني سائق بشركة سياحة لـ القاهرة 24: أنا خسرت 80 ألف جنيه من فلوسي ولي صديق أسمة روماني خسر 280 ألف جنيه فلوسه هو وإخوته وفي ناس استلفت وأخدت قروض كمان عشان تدخل بيها المنصة وشارع واحد في منطقة شرق السكة بمدينة الأقصر خسر الناس اللي فيه ما لا يقل عن مليون جنيه.

ويضيف هاني: حررت أنا وأصدقائي والعديد من ضحايا تلك المنصة محاضر بشرطة ومباحث الإنترنت بمدينة طيبة شمال الأقصر وبلغ إجمالي عدد المحاضر التي تم تحريرها حتى اللحظة 24 محضر وطمأننا رجال الأمن هناك بأن جميع أجهزة الدولة تعمل على هذا الموضوع وأن حقنا سيرجع بإذن الله.

تابع مواقعنا