آية سليم عن العلاقة بين أبطال مسلسل وبينا ميعاد: مكنش فيه نفسنة بينا
حدثت الفنانة الشابة آية سليم عن كواليس مشاركتها في مسلسل وبينا ميعاد، الذي عرض منذ فترة على شاشة dmc، كما أكدت أن دورها في العمل كان مختلفًا تمامًا عن شخصيتها الحقيقية.
وقال آية سليم خلال ندوة أقيمت في القاهرة 24: أستاذة شيرين من أول يوم قابلناها فيه في مكتب المخرج هاني كمال، قالتلنا محدش يقولي أستاذة شيرين أنا اسمي شيكا، فهي من الأول قالتلنا متعاملونيش معاملة الأستاذة، إحنا عادي صحاب كلنا، فـ دي كانت حاجة مش أي ممثلة بتعملها.
وتابعت متحدثةً عن دور أروى التي جسدته في المسلسل: الدور لما جالي حسيت إنه مختلف جدًا عن أي حاجة عملتها قبل كدة، إن أنا الأخت الكبيرة الهادية الراسية، وفي الحقيقة هي بعيدة عن شخصيتي تمامًا وأنا أصلًا معنديش أخوات بنات، فالموضوع كله كان جديد عليا.
وأضافت آية سليم مؤكدًة على أن أسرة مسلسل وبينا ميعاد كانت تمتاز بوجود الأُلفة بينهم، وقالت: إحنا في التصوير كنا عيلة فعلًا زي ما الناس شيفانا على الشاشة، وعشان إحنا كلنا شباب كان متوقع إن يبقى في حد بيبص لدور حد أو حاجة، بس ده مكنش موجود عندنا خالص، وكلنا كنا مركزين في أدوارنا وعايزين كل واحد يعمل دوره بأحسن شكل.
اختتمت أية سليم بالحديث عن علاقة أروى وعلي، قائلةً: أنا ويوسف الكدواني مكناش متوقعين نجاح قصة حب علي وأروى خالص، واتخضيت من ردود الفعل عليها.
مسلسل وبينا ميعاد
يضم مسلسل وبينا ميعاد عدد من الفنانين، أبرزهم الفنانة شيرين رضا، صبري فواز، وفاء صادق، محمد سليمان، داليا شوقي، أسامة الهادي، وآخرين، وهو من تأليف وإخراج هاني كمال.
