الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ويجز: مش بظهر كتير في الإعلام عشان مشغول.. وبالراحة شوية على البنات في مصر

ويجز
فن
ويجز
الأحد 19/مارس/2023 - 09:59 ص

كشف مطرب الراب ويجز عن كيفية حفظه لكلمات أغانيه التي يعتبرها البعض صعبة إلى حد ما، كما تحدث عن المرأة التي وصفها بأنها نصف المجتمع.

وقال ويجز خلال لقائه في برنامج الحكاية: أنا اللي ببقى كاتب الأغاني اللي بغنيها عشان كدة ببقى حافظها ومش صعبة عليا، ولما بيعدي وقت بقعد أسمع الأغاني 3 أو أربع مرات عشان أركز وأقولها صح زي ما غنيتها، وأي جملة بشوفها جميلة بكتبها وبعدين أشوفلها قافية، وممكن أكتب الأغنية سطرين وأسيبها شهرين وأرجع أكمل تاني.

وتابع ويجز كاشفًا سبب عدم ظهوره بشكل مستمر في الإعلام وعمومًا: مش بظهر كتير عشان ببقى مشغول، وبحس إن لو مش حاجة مهمة مش بطلع ولا بتكلم، عشان اللي يفرق معايا أكتر اللمة الجميلة وصحابي وإني أشوف أهلي وبس.

وأردف ويجز: مكنتش متوقع النجاح اللي بحققه ده، بس كنت مركز وأول أغنية عجبت الناس قولت هكمل فيها، واللي ساعدني إني سافرت واتعلمت من كل الناس.

واختتم ويجز متحدثًا عن المرأة، وقال: المرأة هي نصف المجتمع، ولما بتكلم عن الست فهي أمي وأختي، وعايز أقول بالراحة شوية على البنات في مصر، الناس ضاغطين عليهم شوية.

ويجز يتحدث عن تعاونه مع الفنانة أنغام

على جانب آخر، تحدث ويجز عن مشاركته مع الفنانة أنغام في حفل صوت مصر، الذي أُقيم أول أمس الجمعة، مشيرًا إلى إنه سعيد بتعاونه مع المطربة أنغام بالرغم من خوفه الشديد مع هذه التجربة لأنه يقف للمرة الأولى أمام أوركسترا مؤكدًا أن هذه التجربة يعتبرها اختبار لنفسه حتى يتعلم منها شكل جديد في الغناء.

وأضاف: أنا جاي اختبر نفسي وأتعلم، وأول ما قالوا لي هتعمل حاجة مع أنغام فكرت أهرب لأنها تجربة جديدة عليا وتجربة صعبة بس قررت أجربها وكل تجربة فيها السهل وفيها الصعب.

تابع مواقعنا