محمد أنور: موافق بناتي يدخلوا التمثيل.. وكل واحد يختار اللي يحبه
كشف الفنان محمد أنور، إمكانية دخول بناته مجال التمثيل، مؤكدًا: وجهة نظري إنه لا يجب فرض أي شيء على أي شخص.
وأكد الفنان محمد أنور خلال تصريحات تلفزيونية، عدم تصريحه في أي وقت برفضه دخول بناته الوسط الفني.
وسخر قائلا: أنا مقولتش أرفض قبول بناتي دخول الفن وهما لسه بيرضعوا وما اتكلمتش في ده خالص، ووجهة نظري مينفعش تفرض على أي حد أي حاجة وهما اللي يختاروا اللي حابينه.
وأضاف محمد أنور: أن بناته لو طلبوا منه دخول التمثيل سيوافق، لو بناتي طلبوا التمثيل هوافق لأني لو رفضت برضو هيعملوا ده، وأهلي كانوا رافضين تمثيلي عشان شغلة مش مضمونة.
وتابع: أنا أصريت على التمثيل ودخلت مسرح الجامعة وأسرتي منعوا عني المصروف، عشان كانوا بيقولوا ده مصروف الجامعة للتعليم وبيعتبروا انضمامي لفريق المسرح إني رايح ألعب.
محمد أنور: لو جالي دور فيه تلامس وأحضان هرفضه
وكان الفنان محمد أنور أكد رفضه الشديد، لأدوار التلامس والمشاهد المثيرة، حيث قال خلال تصريحات تلفزيونية: لو جالي دور فيه تلامس وأحضان هرفضه، الواحد مننا بيخاف لما أولاده يكبروا يشوفوا حاجة عن باباهم تضايقهم، ومش هعمل أدوار فيها إثارة أو تلامس ومش بحب الحاجات دي.
وقال إنه غير نادم على دعمه تصريحات النجم يوسف الشريف المتعلقة برفضه التلامس والمشاهد المثيرة: دعمي ليوسف الشريف بعد تصريحه عن التلامس مش ندمان عليه.. وسواء مقتنع بكلامه أو مش مقتنع هو رأيه وحر في رأيه.
