تامر أمين عن تراجع اهتمامه بأخبار الراقصات: كلهم اختشوا ومبقاش في كليبات فاضحة
قال الإعلامي تامر أمين، إنّه كان مهتما بأخبار الراقصات، لكن هذا الاهتمام قل كثيرًا، مفسرًا ذلك بقوله: ربنا تاب عليهم، مش كلهم اعتزلوا، لكن كلهم اختشوا ورجعوا إلى قواعدهم جوة الكباريهات والمراقص، مبقاش فيه الغزو والكليبات الفاضحة اللي كنا بنشوفها من كم سنة.
وأضاف أمين، خلال حواره مع الإعلامية بسمة وهبة ببرنامج "العرافة"، على قناتي "المحور" و"النهار"، مساء الجمعة: مش مهم خافوا مني ولا لأ، لكن المهم إن النتيجة أفضل، وكلهم اختشوا.
وصدم شيخ العرافين الإعلامي تامر أمين، وقال له: إيه أخبار الراقصة اللي بتحب تتفرج عليها؟! أولها حرف الفاء، ليرد أمين: يا ابن اللذينة صح، بس اوعى تقول عليها رقاصة عشان مزعلش، اسمها فنانة فنون استعراضية، العظيمة فريدة فهمي.
وأضاف خلال حواره: مستحيل يتقال عليها رقاصة، دي اللي يتقال عليها فنانة استعراضية، أشكرك يا شيخ الحارة، لا أعلم من أين أتى بهذا السر، أعترف له بالخباثة والشغل الجاسوسي على أعلى مستوى.
وعن وجود علاقة تجمعه براقصة أرجنتينية، رد الإعلامي تامر أمين، قائلًا: الراقصة الأرجنتينية دي قصة حلوة أوي، بس أنت مين اللي قالك على موضوع الرقاصة ده؟! دي قصة في منتهى اللطافة.
وأضاف: هذه القصة ترجع إلى عام 2012 أو 2013 عندما كنت مقدم برامج في قناة روتانا مصرية، أطلقت حملة ضد الراقصات وضد غزو الراقصات للمجتمع، بقوا يعملوا فيديو كليبات وانتشروا على السوشيال ميديا، حصل إن فيه كليبات فاضحة والحملة سمعت، بقوا الراقصات يقلقوا مني.
