مصطفى كامل: مبقاش فيه رشوة والعياذ بالله في النقابة.. وربنا كرمنا على حس الغلابة
قال الفنان مصطفى كامل نقيب المهن الموسيقية، إنه يحتفل اليوم خلال اجتماعه مع أعضاء نقابة الموسيقيين بعد إعلانه قرارات مهمة مثل زيادة المعاشات.
وقال مصطفى كامل: النهاردة بنحتفل بـ عُرس في تاريخ النقابة وكنت بدعي ربنا يوفقني ومكنتش متخيل اللي حققناه ودي قدرة ربنا وكرمه وتوفيقه لينا؛ لأننا اقتلعنا جذور الفساد في النقابة وبقينا واحد ومش بنضرب في بعض، وربنا أكرمنا لما زودنا المعاشات وراعينا الله في الغلابة واليتامى.
وأضاف نقيب المهن الموسيقية: مبقاش فيه رشوة والعياذ بالله، وربنا أكرمنا لما زودنا المعاشات وراعينا الله في الغلابة واليتامى.
وأشار نقيب المهن الموسيقية إلى أنه يؤدي الأمانة تجاه نقابته التي يعتبرها مسؤولية كبيرة بالنسبة له قائلًا: أنا بأدي الأمانة اللي في رقبتي والنقابة مسئولية كبيرة ولازم أديها وقتي ولو معملتش كدا أسيبها أحسن بقى، بس النقابة رصيدي في الأخرة وكل دا عند الله، وربنا يجازيني.
وأكد مصطفى كامل أنه لا يوجد مشاكل بين نقابة الموسيقيين ومصطفى كامل قائلًا: مفيش مشاكل بيننا وبين بعض وويجز ابننا وزي الفل وملتزم.
مصطفى كامل يرد على ظهوره في برنامج رامز جلال
من ناحية أخرى، رد مصطفى كامل على ظهوره في برنامج رامز نيفر إند مع الفنان رامز جلال: أنا فنان يا جماعة ودُعيت لـ برنامج وروحت بفلوس، طلع مقلب ولا تورتة ولا بليلة مش قصتي.
وتابع مستنكرًا من الانتقادات التي تعرض لها قائلًا: إيه المشكلة لما أشارك في برنامج رامز؟ أنا فنان زي محمد رمضان ومحمد فؤاد وجالي شغل وروحت لأني مش حرامي نقابة، وطبيعي أروح برامج وفوجئت إنه مقلب.
