حسام حسن: مباراة صعبة وفوز كبير على فريق مثل الزمالك.. وكان هناك ضربتين جزاء وطرد
تحدث حسام حسن، المدير الفني لفريق المصري البورسعيدي، عن فوز فريقه أمام فريق الزمالك في مسابقة الدوري المصري الممتاز.
تصريحات حسام حسن
وقال حسام حسن خلال المؤتمر الصحفي عقب نهاية اللقاء: مباراة صعبة وفوز على فريق كبير زي الزمالك وعندي غيابات كتير في الفريق، ولكن توفيق ربنا واشتغلنا بشكل جيد مع تغييرات كويسة.
وواصل: الهدف المبكر كان ممكن يربك حساباتنا، بداية المباراة كان في سلبية من لاعبينا، ورغم التأخر بهدفين مقابل لا شيء وهو أمر صعب مع فريق زي الزمالك.
وأضاف: كان في ضربتين جزاء وطرد، ولكن مش هتكلم علي حاجة هقولها بشكل عابر وسريع.
وأكمل: لاعبو الزمالك كبار وتحديدا لاعب زي زيزو وشيكابالا، والفرص الحقيقية كانت من نصيبنا، ربنا واقف مع نادي المصري في ظروف صعبة جدا وبداية الموسم لم تكن الأفضل والقادم أفضل.
وتابع: الدور التاني صعب والمباريات مش سهلة، وأهم حاجة نبعد عن اللي تحت وطموحي البقاء في الدوري مع المصري هذا الموسم.
وأردف: مع احترامي الشديد للزمالك ولكن كنت واثق في شغلنا، والبداية الصعبة في بداية الموسم نعوضها بشكل أفضل.
وواصل: احنا أكتر فريق بيحصل على ضربات ثابتة، وكان لازم تستغلها بشكل أفضل المرحلة القادمة هيبقي فيه شكل افضل جريندو حتي أمس مكانش جاهز.
وأختتم: المباراة لعبت في ظروف صعبة وشايلين شيلة مش بتاعتنا، ولو تركيزنا كنا ممكن نخسر النهارده، وحاولنا نصلح ظروفهم واللاعبين ركزت احتراما لنا.
