ماجد المصري: مشهد المواجهة مع ياسمين عبد العزيز والعوضي الأصعب.. والكواليس كانت مقالب وضحك
كشف الفنان ماجد المصري، كواليس مشاهد المواجهة التي جمعته مع الفنانة ياسمين عبد العزيز والفنان أحمد العوضي في مسلسل ضرب نار، الذي يعرض حاليًا في موسم رمضان 2023.
وقال ماجد المصري، في تصريح لـ القاهرة 24: كل يوم في اللوكيشن بنحب بعض أكتر وبنخاف على بعض أكتر لأننا رايحين نشتغل وشغلانتنا صعبة أوي وبتكلف الواحد كتير وبنسيب بيتنا وولادنا، ومشهدي مع ياسمين والعوضي أصعب مشاهد المواجهة، وكان صعب أوي واتاخد من أول مرة.
وتابع ماجد المصري: كنا إحنا الـ 3 عاملين حساب المشهد ده وأنا بشد ياسمين وبجرها للعربية أنا قطعتلها اللبس وهي خافت بجد من اللي حصل لأنها بتتفاعل للدرجة دي، والسنادي ده من أخطر المرات كـ دراما بالنسبة لـ ياسمين عبد العزيز وتنوع كبير وهي عملت كل شيء في شخصية مهرة وعملت دور الأم والأخت وكل حاجة.
ياسمين عبد العزيز صنعت اسمها في الصفوف الأولى
وعن تعاونه مع ياسمين عبد العزيز، أوضح ماجد المصري: ياسمين نجمة كبيرة وعشرة عمري وأختي وحبيبتي من زمان، وأخرجت لها إعلانات زمان، وياسمين عبد العزيز شاطرة أوي ومثابرة ومركزة وصنعت اسمها في الصفوف الأولى ودي أول مرة نشتغل مع بعض وكنت بسأل عليها في مرضها، ولكن دي أول مرة في عمل فني وهي زي ما هي قلبها أبيض وبنت بلد بتحب شغلها.
وأضاف ماجد المصري: وكل الكواليس أكل أو بنضحك أو مقالب واحتفالها بـ عيد ميلادي كان مفاجأة وعرفت مع الإنتاج وجابوا تورتة وقعدت معايا نتكلم وبعدين اتفاجئت بالاحتفال.
