ماجد المصري: ضرب نار مسلسل الشارع وإحنا رقم واحد.. وجعفر العمدة في اتجاه تاني مختلف
تحدث الفنان ماجد المصري عن نجاح مسلسل ضرب نار الذي يشارك فيه مع الفنان أحمد العوضي وياسمين عبد العزيز والذي عرض ضمن مسلسلات الموسم الرمضاني 2023.
وقال ماجد المصري خلال ندوة تكريمه في القاهرة 24، إن مسلسل ضرب نار حقق نجاحًا ويعتبر مسلسل الشارع: إحنا في حتة مظبوطة ورقم واحد الحمد لله.
وأضاف: ضرب نار مسلسل الشارع وإحنا في اتجاه وجعفر العمدة في اتجاه تاني، وإحنا عندنا قصة حب جعفر العمدة مفيهوش قصة حب ولكن قدم حاجات تانية مهمة لذلك في تنوع جدا في المسلسلين كل منهم شعبي ولكن بيناقشوا أشياء مختلفة، والمستفيد الأول والأخير هو الجمهور.
وتابع ماجد المصري: الجمهور وجوجل مش بيكدب ومش تحت أمرك وتقدر تعل مقارنة وتعرف أنت فين
وأردف: إحنا لسه مخلصين تصوير وما كانش عندنا وقت نخرج ومش هنحس بالكلام ده غير لما نكون وسط الناس لأننا كنا بنصور نهار وليل ومش بنحلق ننام، وأنا رايح التصوير في ناس بيلمحونا في العربية وبيدنهوا باسمي زيدان.
ماجد المصري يتحدث عن تعاونه مع ياسمين عبد العزيز
في سياق متصل، تحدث ماجد المصري عن كواليس تعاونه مع الفنانة ياسمين عبد العزيز في المسلسل، قائلًا: ياسمين نجمة كبيرة وعشرة عمري وأختي وحبيبتي من زمان، وأخرجت لها إعلانات زمان، وهي مثابرة ومركزة وصنعت اسمها في الصفوف الأولى ودي أول مرة نشتغل مع بعض وكنت بسأل عليها في مرضها، ولكن دي أول مرة في عمل فني وهي زي ما هي قلبها أبيض وبنت بلد بتحب شغلها، وياسمين قدمت كل حاجة في الشخصية مش مجرد كلميتن قدام الشاشة.
