المؤلف خالد دياب: منى زكي ومحمد شاكر خضير خلقوا روح لشخصيات مسلسل تحت الوصاية
أشاد خالد دياب مؤلف مسلسل تحت الوصاية، بـ أداء الفنانة منى زكي خلال أحداث العمل، الذي عُرض في الموسم الرمضاني 2023 وحقق نجاحا كبيرا منذ بداية عرضه في الجزء الثاني من شهر رمضان.
وقال خالد دياب في لقائه مع القاهرة 24، عن شخصيات مسلسل تحت الوصاية: إحنا رسمنا الشخصيات بشكل على الورق ولكن أستاذ محمد شاكر خضير وأستاذة منى زكي خدوا الشخصيات ودبوا فيها الروح بطريقة بديعة.
وتابع: أستاذة منى زكي من صدقها خليتنا من صُناع لمشاهدين، وكتير قالولي الجملة دي إحنا تحولنا من نُقاد لمشاهدين مخلصين للعمل، وده مبيحصلش غير من الصدق الشديد والتركيز، والحمد لله ده ظهر على الشاشة.
وأضاف: أنا كصانع عارف الأحداث بس مستني منى زكي هتعمل الورق إزاي وعملته أحلى بكتير من اللي مكتوب، وأنا بحييها ولم أكن أتخيل العمل بدون إبداع منى زكي ومحمد شاكر خضير، وبكن لهم الاحترام والتقدير ومقدرش أوفيهم حقهم.
شيرين دياب مؤلفة مسلسل تحت الوصاية: ربنا أراد يتسلط الضوء على القضية
كما تحدثت المؤلفة شيرين دياب، عن نجاح مسلسل تحت الوصاية، قائلة: وإحنا بنكتب كل واحد كان بيعمل أقصى ما في جهده، ومسلسل تحت الوصاية اتكتب في سنة وشغل مع أستاذ مع محمد شاكر خضير كنا بنتناقش، واتعمل عليه شغل رهيب في الإخراج، والممثلين عملوا أدوارهم بمنتهى الواقعية.
وأضافت: مكنتش ظروف طبيعية وإحنا مكناش بنشوف عالم عادي، وكنت عارفة إن ربنا مش هيضيع التعب ده وأنه هينصفنا وهيُكلله بالنجاح، واللي حصل توفيق كبير أوي من عند ربنا وفوق تخيلات كل اللي اشتغلوا، وربنا أراد تسليط الضوء على القضية.. والنجاح مكنش نجاح مسلسل النجاح كان نجاح القضية.
