تامر عاشور عن حفلات السعودية: الجمهور فاجأني بحماس غير طبيعي.. وأنتقي الأغاني بعناية
أعرب الفنان تامر عاشور عن سعادته بإحياء حفلاته في جدة بالمملكة العربية السعودية، مؤكدًا على أن الجمهور رقم واحد في حياته، كما أنه يتفاعل معه ويفاجئه في كل حفلة بشكل أكبر مما يتوقع.
وقال تامر عاشور خلال مؤتمر صحفي أقيم على هامش إحيائه حفلتين في جدة: حفلة النهارده مختلفة.. الحفلات اللي فاتت كانت قوية.. ولكن المرة دي أقوى وأقوى وده اللي شغالين عليه.. الجمهور رقم 1 كان حماسه غير طبيعي.. نقينا الأغاني بعناية عشان نشوف تفاعل طول الوقت وده بان نتيجته على المسرح.. وهي من أقوى الحفلات بجد.
وأضاف تامر عاشور: وكان فيه أغاني مش بغنيها ومجربتهاش مع الفرقة الموسيقية قبل كده.. ومغنيتهاش هنا في السعودية قبل كده.. ولما غنيتها لقيت تفاعل رهيب، ويمكن أكتر مما كنت أتوقع.. الجمهور مش مخليني عارف أشوف حاجة أحلى منه.
وأردف تامر عاشور: أنا مع أهلي ومع عيلتي وكل مرة باجي بحس إن الحفاوة بتزيد وعايزين ننجح مع بعض ونكسر الدنيا مع بعض وبيوصل للناس ده لأن إحساسنا صادق، واتشرفت بالتعاون مع أبو ناصر وكل الأغاني اللي بغنيها في الحفلة من كلماته وكلها علامات مميزة.
حفلات تامر عاشور في جدة
الجدير بالذكر أن تامر عاشور أحيا حفلين خلال اليومين 5 و6 مايو الماضي، وبدأت أسعار التذاكر من 350 ريال سعودي أي 2897 جنيهًا، ووصلت إلى 1750 ريال سعودي أي 14488 جنيهًا.
