محمد رجب: كنت على وشك اعتزال التمثيل والسفر لليونان.. وكنت بصرف على شغلي
تحدث الفنان محمد رجب عن بداياته في عالم التمثيل، مؤكدًا أنه كان سيترك التمثيل في فترة من فترات حياته وسوف يسافر إلى خارج البلاد.
قال الفنان محمد رجب، خلال لقائه ببرنامج واحد من الناس لـ الإعلامي عمرو الليثي: كنت خلاص مسافر اليونان وتركت التمثيل، وجالي مسلسل لقاء على الهوا مع حبيبتى الفنانة يسرا، وكان دور 6 حلقات وتوالت بعدها الأعمال، وأنا لا أعرف أعمل حاجة تانية غير التمثيل، ومهمل فى صحتى شوية، وبعرف أفهم الناس كويس، وصعب حد يدخل قلبي بسهولة بناء على معرفتى بيهم.
وتابع محمد رجب: من السهل استفزازي جدًا، ودايمًا بخطط لكل حاجة، وعمر ثقتى فى نفسي ما اتهزت، وعندى من الشجاعة إنى لما أغلط أقول أنا غلطان، وأعتذر وقتى، وأنا شجاع ولست متهورًا، كنت بصرف على الشغل لحد لما بقيت نجم، وبقى عندى قوة للنجاح بسبب الظلم.
محمد رجب: صورت مشهد في مسلسل الزيني بركات وكنت موظفًا في قطاع الإنتاج
وأردف محمد رجب: مشهدي في مسلسل الزيني بركات وأنا كنت موظف في قطاع الإنتاج، وكان الأستاذ ممدوح الليثى رحمه الله رئيس قطاع الإنتاج وقتها، وكان مانع أي موظف يمثل في أي عمل، وأنا هموت وأمثل ولو خالفت القرار هترفد، وأبويا ده كان بالنسبة لي كارثة لأنه شايف مستقبلي في الوظيفة.
