غادة عبد الرازق: أنا أكتر ممثلة غيرت في جلدها.. وعائلة الحاج متولي نجح لهذا السبب
قالت الفنانة غادة عبد الرازق، إنها الممثلة الوحيدة التي غيرت من جلدها، حيث أنها قدمت جميع الأدوار المتنوعة، كما كشفت سبب نجاح مسلسل عائلة الحاج متولي حتى يومنا هذا.
وقالت غادة عبد الرازق خلال ندوتها بـ القاهرة 24: أنا شايفة إن أنا أكتر ممثلة غيرت في جلدها، مخلتش دور معملتوش، والحاجة الوحيدة اللي معملتهاش في التليفزيون هو الدور الصعيدي بس عملته في السينما والحمد لله خدت عنه جوايز كتير، والتليفزيون عملت الدور الكوميدي والنفسي وكل الأنواع.
وتابعت مؤكدة، أنها تجسد أدوارا فريدة من نوعها، وقالت: بعشق مسلسل، السيدة الأولى ومفيش حد عمل نوعية العمل دي لا في التليفزيون ولا في السينما، إن ست تكون رئيسة جمهورية، وكانوا بيهاجموني على العمل وقالوا مش حلو.
وأضافت غادة عبد الرازق، متحدثة عن سبب نجاح مسلسل عائلة الحاج متولي، قائلة: مسلسل عئلة الحاج متولي بيتشاف لحد دلوقتي لأن إحنا كان عندنا كُتاب بتكتب العمل وبعدين تجيب الأبطال والمخرج، والـ 30 حلقة كانوا بيبقوا مكتوبين من قبلها، وبنعمل كذا بروفة ترابيزة قبل التصوير، أنا فاكرة كنت باجي من إسكندرية وأرجع أكتر من مرة، عشان أعمل بروفة الترابيزة مع أستاذ نور الشريف.
مسلسل تلت التلاتة
على جانب آخر، شاركت غادة عبد الرازق في موسم رمضان 2023، من خلال مسلسل تلت التلاتة، الذي حقق نجاحا كبيرا وقت عرضه، وهو من بطولة الفنانة محمد القس، أحمد مجدي، صلاح عبد الله، وآخرين، ومن إخراج محمد القس.
