نيرة عارف: مبسوطة بمشاركتي في فيلم الصف الأخير.. والوجوه الجديدة حمستني
تحدثت الفنانة نيرة عارف عن دورها في فيلم الصف الأخير، الذي يعرض حاليا في دور العرض السينمائي، وهو من بطولة الفنان بيومي فؤاد، وتيام قمر، كما كشفت تفاصيل ترشيحها للدور.
وقالت نيرة عارف خلال حوارها مع القاهرة 24: أنا بعمل دور ناتيليه، وهي مش مصرية، وبيحصل مشادة بينها وبين بيومي في القطر، لأنه كان واخد مكانها في القطر اللي كان درجة أولى، وهو كان حاجز درجة تانية، فـ حصل لغبطة عموما، وتيام اللي صلح بينهم، عشان قام من مكانه ليا.
وأضافت نيرة عارف كاشفة تفاصيل ترشيحها للعمل: الترشيح جه من المخرج عشان كان شافلي حاجات، فـ قالي محتاجينك تيجي ضيفة شرف في حاجة، واتشرفت جدا بده، واتبسطت جدا، لأن أستاذ شريف مخرج مميز جدا وأستاذ بيومي كمان، وتيام اشتغلت معاه في مسلسلات قبل كدة، وإن الفيلم كله وجوه جديدة ده بسطني وحمسني جدًا.
فيلم الصف الأخير
ويشارك في بطولة فيلم الصف الأخير عددًا من الفنانين، أبرزهم الفنان بيومي فؤاد، تيام قمر، محمد عبد العظيم، أمجد عابد، والعمل قصة وسيناريو شريف محسن، مي زيادي، علاء حسن، وإخراج شريف محسن.
قصة فيلم الصف الأخير
ويعرض حاليًا فيلم الصف الأخير في السينمات بـ مصر والوطن العربي، وتدور قصته في إطار اجتماعي، حول شاب ينظر لكل ما حوله من زاوية واحدة، وقليل الخبرة في الحياة، ثم يخوض رحلة من يوم واحد تقلب كل المفاهيم لديه رأسًا على عقب.
