علا غانم لـ القاهرة 24 بعد شائعة وفاتها: أنا بره بيتي من 5 شهور واللي خلعته بينهش في شقا عمري
ردت الفنانة علا غانم على شائعة وفاتها التي انتشرت منذ ساعات على مواقع التواصل الاجتماعي وهو ما أثار جدلًا كبيرًا، مؤكدة أنها بخير وحية ترزق.
وقالت علا غانم لـ القاهرة 24: أنا الحمد لله، كله بخير وحية أرزق، بس للأسف عايشين وسط مجتمع بيسبب للبني آدم كتر القهر والظلم ويموت، لحد دلوقتي بره بيتي وداخلة في الخمس شهور.
حسبي الله ونعم الوكيل في كل واحد ياخد شقى ست
وتابعت علا غانم: الرئيس بيعمل مجهودات علشان يخلي البلد بلا فساد وأنا ثقتي في ربنا والقضاء ثم في قيادة بلدي ليس لها مثيل، وحسبي الله ونعم الوكيل في كل واحد ياخد شقا ست، عايشين جوه بيتي وبينهشوا في هدومي ودهبي وكل حاجة، أنا فيه غرب جوه بيتي.
الدنيا اتقلبت علشان شاكوش طرد مراته من شقتها
وواصلت علا غانم: الدنيا اتقلبت علشان شاكوش طرد مراته من شقتها وخد شبكتها، وسرق وصل أمانة طيب واللي اتسرق منها كل حاجاتها عادي وشقا عمرها عادي؟ هل ده منطقي.
وردت نقابة المهن التمثيلية على شائعة وفاة علا غانم، وقالت في بيان عبر صفختها الرسمية: لا صحة لما يتم تداوله، والأخبار الصحيحة سوف تذكر من خلال جروب نقابة المهن التمثيلية أو الصفحة الرسمية على موقع التواصل الاجتماعي فيس بوك.
