السيسي: لو قولنا بكام الدولار وهنجيب منين لن نتحرك للأمام
قال الرئيس عبد الفتاح السيسي، رئيس الجمهورية" لو قولنا بكام الدولار وهنجيب منين لن نتحرك للأمام، حيث جاء ذلك خلال خلال كلمته منذ قليل، بافتتاح مجمع مصانع إنتاج الكوارتز في العين السخنة.
افتتاح مجمع مصانع إنتاج الكوارتز في العين السخنة
ووجه السيسي، اليوم الخميس، خلال افتتاح مجمع مصانع إنتاج الكوارتز في العين السخنة، كلمته للمستثمرين، قائلًا: إحنا معاكم.. معاكم بإنكم تيجوا تشتغلوا.. تشتغلوا معانا ولا لوحدكم؟ اللي أنتم عايزينه، عايزين لوحدكم هنسهل معاكم الأمور، عايزين تبقوا موجودين معانا؟، وقولتها بافتتاح مشروع الرمال السوداء، كل ما نعمله متاح لكم.
وأكد الرئيس السيسي، على القطاع الخاص والمستثمرين، من فضلكم متضيّعوش وقت تاني وأي مشروع من المشروع اللي بنتكلم فيها فرص نجاحه، مش أنا اللي بقول إنها ناجحة ولكن بالبيانات اللي عندنا وحجم الاستيراد الذي نستورده هو دراسة الجدوى فلو كانت خامتها موجودة في مصر يبقى المشوار كله خلصان، مش هنجيب حاجة من برا.. وأقول تاني للمستثمرين، وللحكومة منضيّعش وقت تاني أكتر من كده.
جدير بالذكر، أن مجمع مصانع إنتاج الكوارتز في العين السخنة، يضم نحو 5 مصانع، حيث مصنع التكسير الأولي لخام الكوارتز بمنطقة منجم الكوارتز بمروة السويقات في مرسى علم بمساحة 250 ألف م2 لتكسير خام الكوارتز إلى أحجام صغيرة بمقاسات من 3-5 سم، ونحو 4 مصانع بمنطقة العين السخنة على مساحة 300 ألف م2، بواقع مصنعا طحن خام الكوارتز إلى حبيبات بالغة الدقة من ناتج مصنع التكسير الرئيسي طبقا للمواصفات المطلوبة لإدخال جزء منها لإنتاج ألواح الكوارتز، بالإضافة إلى مصنع التكسير الرئيسي لخام الكوارتز لتكسير ناتج مصنع التكسير الأولى إلى حبيبات أصغر بمقاسات 3-4 مم بعد إجراء عمليات الفصل الضوئي والغسيل، وأخيرا مصنع إنتاج ألواح الكوارتز.
