الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أزهري لـ للحجاج: الانشغال بالتصوير أمام الكعبة ينقص الأجر

التصوير أمام الكعبة
دين وفتوى
التصوير أمام الكعبة
الأربعاء 31/مايو/2023 - 08:16 م

قال الدكتور هاني تمام، أستاذ الفقه بجامعة الأزهر، إن الحج رحلة تدرب على تغيير منهج الحياة، مضيفا: بلاش واحنا في الحج يبقى فيه جدال ومناوشات وخصام، وده خد السرير بتاعي وده يقول الأكل مش كويس.

عالم أزهري لـ للحجاج: الانشغال بالتصوير أمام الكعبة ينقص الأجر

وتابع أستاذ الفقه بجامعة الأزهر، في تصريحات، اليوم الأربعاء: إحنا رايحين إلى الله، مش رحلة ولا فسحة ولا تنزه، لازم نتخلى عن كل السلوكيات الغريبة اللى بنعملها، لازم نغير من تصرفاتنا إحنا رايحين إلى الله، مش رايحين لعمل سيشن تصوير أمام الكعبة أو الروضة النبوية، كل الأمور دي بتنقص من الأجر.

واستكمل: الحج فيه تصرفات ظاهرة وباطنة، الباطنة دي إن الحاج دايما يستشعر وجود ربنا في قلبه، مينفعش في المكان الطاهر المبارك ده وتبقى كثير الكلام والخصام وشاغل نفسك بالتليفون والتصوير.

على جانب آخر، حذر الشيخ محمد كمال، أمين الفتوى بدار الإفتاء المصرية، من جلد الذات على ما مضى، على سبيل الاعتراض على قدر الله، مستشهدا بالحديث النبوي الشريف ودعاء سيدنا النبي الذى علمه لأصحابه: "اللَّهمَّ إنِّي أسألُكَ الرِّضا بعدَ القضاءِ، وبردَ العيشِ بعدَ الموتِ، ولذَّةَ النَّظرِ في وجهِكَ، وشوقًا إلى لقاكَ".

وتابع أمين الفتوى بدار الإفتاء المصرية، خلال تصريحات تلفزيونية، اليوم الأربعاء: لازم نرضى بقضاء الله حتى تنزل البركة في العمر والرزق، والإنسان دائما يشوف هو فيه وربنا أقامه فين، أكيد ربنا أقامك في مكانك ده عشان تؤدي المهمة دي، وسيدنا النبي قال لنا أنظروا للأقل منكم عشان نشعر بالقناعة والرضا ونشكر ربنا على النعم اللي إحنا فيها.

تابع مواقعنا