الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

فو

هالة صدقي تروي موقفا لها مع الدجالين: روحت لواحدة بتقرا الفنجان شخطت فيا وضربتني على دماغي |فيديو

هالة صدقي
فن
هالة صدقي
الخميس 01/يونيو/2023 - 06:23 م

كشفت الفنانة هالة صدقي موقفا طريفا حدث معها، في أحد البلدان العربية بصحبة إلهام شاهين وسماح أنور قبل سنوات بسبب قراءة الفنجان، كما تحدثت عن معاناتها مع الحسد.

وقالت هالة صدقي خلال ندوة تكريمها بـ القاهرة 24: كنت في بلد عربي، أنا وسماح أنور وإلهام شاهين، وكنا قاعدين في بيت حد مهم، قلت لهم هو مفيش حد بيشوف الفنجان قالوا لي إزاي لا طبعا، واستغربت من الهجوم لأنهم كانوا ستات ذات مستوى عالي، وقلت لهم إحنا عندنا في مصر بيشوفوا فنجان عادي وهصوم بعدها أسبوع وعارفة إنه حرام، ولما دخلت الحمام لقيت سبع ستات دخلوا ورايا قالوا عارفين واحدة كويسة ولكن خايفين يروحوا بسبب أجوازهم.

وأضافت هالة صدقي: أنا كنت لابسة بنطلون أبيض وقميص أبيض ولما دخلنا الأوضة إحنا التلاتة الست قالت لنا اقعدوا على الأرض، وكان كل همي إن بنطلوني هيتوسخ، وقلت لهم أنا عاوزة أشوف الفنجان مش أحضر عفاريت راحت شخطت فينا وضربتني على دماغي واتعكننت إن بنطلوني أتوسخ، وبعدين بدأ صوتها يتغير وجالي كريزة ضحك وقعدت أقول إيه المصيبة اللي عملناها في روحنا دي.

واستكملت هالة صدقي: سماح أنور كانت لسه عاملة حادثة وإلهام شاهين والدتها كانت لسه متوفية لقيتها بتقول لي انتي هتتعرضي لحادث ورجلك هيحصل فيها مشكلة، فبصيت لسماح وقلت لها ده انتي، وقالت لسماح إن والدتك اتوفت روحت بصيت لإلهام وقلت لها ده انتي، وقالت لي أنا مامتك عصبية جدا هما الاتنين قالوا ده انتي فتقريبا عكست كل حاجة.

تابع مواقعنا