محمد رمضان: سيدنا علي قال الوعي قبل السعي.. وقبل ما أتحرك بفكر هل إمكانياتي بتتوافق مع الطموح ولا لأ؟
حل الفنان محمد رمضان، ضيفًا على برنامج ضيفي الذي يقدمه الإعلامي معتز الدمرداش، المذاع عبر قناة الشرق، وخلال لقائه، تحدث عن بداياته الفنية، مؤكدًا أنه يحرص دائمًا على اختيار ما يتناسب مع طموحاته وأحلامه، كي يحصد ثمار هذه الاختيارات بنجاحات متتالية.
محمد رمضان: النجاح لازم أمسكه في إيدي علشان أقول إني نجحت
وقال محمد رمضان في تصريحاته: لما كنت أقابل مخرج ويقول لي كلمتين حلوين أشوف النجاح وأفتكر عقدة الهرم فأقول لا، أنا لازم ألمس النجاح، وأمسكه في إيدي عشان أقول إني نجحت.
محمد رمضان: الرحلة مش سهلة
وأردف محمد رمضان، في حديثه قائلًا: خيالي كان غريب، والوعي قبل السعي دي جملة قالها سيدنا علي، وقبل ما أتحرك لازم أفكر هل الرحلة اللي هبدأها إمكانياتي بتتوافق مع حجم طوحها ولا لأ.
وأضاف محمد رمضان: بقعد مع نفسي بفنجان قهوة أشوف إيه اللي ممكن أقابله في الرحلة وهل محتاج أسلحة؟ لأن الرحلة مش سهلة إحنا بنعيش مرة وأي قرار غلط ممكن يدمر سنين حياتي.
محمد رمضان: كنت بشوف الأهرامات من بيتي
ومن جانبه، كشف محمد رمضان عن محاولته في صغره للوصول للأهرامات الأمر الذي أثر على شخصيته وربط به طموحه.
وقال محمد رمضان في تصريحاته: كنت بشوف الأهرامات من البيت، قدامي هرم وعظمة وشيء غريب، ومرة قررت وأنا في تانية إعدادي ألمس الهرم أنا شايفه صغير وفي مخيلة طفل إن لو مشيت في نفس الطريق اللي قدامي هوصل للهرم.
