مصطفى كامل بعد فوزه بمقعد نقيب الموسيقيين: النقابة كان فيها ناس ركبت عربيات 4X4 وسرقت وجابت شقق
كشف الفنان مصطفى كامل نقيب المهن الموسيقية، مفاجآت وأسرار عن مجلس النقابة السابق، موجهًا رسالة شديدة اللهجة لـ للأعضاء المرشحين لـ المجلس القادم، والذي يقوده في المجلس القادم بعد فوزه اليوم في انتخابات المهن الموسيقية بالتزكية.
وقال مصطفى كامل في حواره مع القاهرة 24 إن هناك أشخاصا كانوا في مجلس نقابة المهن الموسيقية قبل توليه رئاسة المجلس سرقت مبالغ كبيرة من أموال المجلس، موضحا: هذه المؤسسة عاشت سنين كتيرة أوي من الفساد، وبقت سيرتها وحشة وكل اللي عنده نية فساد يقول الله؟ هو أنا ليه مطلعش ليه آخد الكرسي مكان المعلم اللي سرق وركب عربيات 4X4 (فور باي فور) وشقق وماشي باشا وبيطلع في التلفزيون وهو أساسا لما جه هنا أهله مكنوش يعرفوا هو بيشتغل أيه.
وأضاف مصطفى كامل: إزاي ده يبقى رئيس مهنة فيها كل القامات اللي بنتكلم عليها دي، إزاي الشخص ده أيًا كان هو مين، إزاي يبقى ناشئ ويقود كل القامات والأساتذة دي، أساتذة كلية تربية نوعية، أساتذة كلية تربية موسيقية، أكاديمية الفنون والموسيقيين اللي أحسن منه مليون مرة، إزاي؟
وتابع مصطفى كامل: فيه قامات وموسيقيين لن تتجرأ إنها تيجي هنا إنما لما نجيب واحد عاطل عمره ما اشتغلها، حقيقي النقابة دي شافت هلاك كتير جدا وعلى مسمع من الجميع لحد ما ربنا قدّر الخير في انتخاباتنا.
وأكد مصطفى كامل أن هناك من أنفق أموالا حتى لا ينجح في انتخابات نقابة المهن الموسيقية، قائلًا: في ناس صرفت من هنا مال الأيتام عشان مصطفى كامل يسقط وربنا نصر الحق، أتمنى يد الله اللي تدخلت في النقابة دي وأنا مستشعر إن ربنا خلاص أنه هيوفقنا وكل زملائنا، لأن لأول مرة وأنا بأقسم بمصحف ربنا إن لأول مرة الانتخابات هتكون بشرف ومطروح الأمر للجميع الناس تختار اللي هي عايزاه لأن فيه قائمة ولا خد دول أصل هنجيب ده وده يبصملي على أي حاجة، حد الله يعني ربنا وحده يعلم ويشهد على نيتي لهذا المكان.
مصطفى كامل نقيبًا للمهن الموسيقية
من جانبه، أعلنت نقابة المهن الموسيقية في مؤتمر أقيم عصر اليوم بمقر النقابة، أن الفنان مصطفى كامل تولى منصب نقيب المهن الموسيقية لـ مدة أربع سنوات بالتزكية لأول مره منذ فترة توالي كوكب الشرق منصب رئاسة مجلس النقابة.
